Қазақстанның Еңбек Ері, көрнекті ақын, жазушы, лингвист-ғалым, мемлекет және қоғам қайраткері, дипломат Олжас Сүлейменовтың 90 жылдық мерейтойына орай ақынның бай әдеби мұрасын кеңінен насихаттау, оның шығармашылығы мен ғибратты өмір жолын жас буынға таныстыру, жастардың отандық әдебиет пен тарихқа деген қызығушылығын арттыру мақсатында Макаренко атындағы орта мектеп оқырмандарына «Олжас Сүлейменов - ақын, қайраткер, тұлға» атты информина ұйымдастырылды.

Іс-шара барысында О. Сүлейменовтың тек поэзия әлеміндегі емес, ғылым мен жаһандық саясаттағы бірегей тұлғасы ашып көрсетілді. Әсіресе, оның түркітану ғылымына төңкеріс әкелген «Аз и Я» атты зерттеу еңбегінің жазылу тарихы мен қоғамға жасаған ықпалы туралы терең ақпарат берілді. Бұдан бөлек, ақынның жетекшілігімен құрылған, әлемді ядролық қауіптен құтқаруда үлкен рөл атқарған «Невада – Семей» халықаралық қозғалысының тарихи маңызы сөз болды.

Оқырмандар назарына ұсынылған арнайы жасақталған кітап көрмеге ақынның алтын қордағы поэзиялық жинақтары, әлем тілдеріне аударылған шығармалары және оның халықаралық деңгейдегі жоғары марапаттары қойылды.

joomlamodniyportal.ru

Comments

«Шабыт» арт-студиясының қызықты шығармашылық іс-шарасы ұйымдастырылды. №13 бөбекжай-бақшасының бүлдіршіндерімен түрлі түсті қағаздарды пайдалана отырып, ғаламшарлардың бейнесін жасап, өз қиялдарын шығармашылықпен ұштастырды.

Шара барысында бүлдіршіндер қағазды қиып, жапсырып, әр бөлшекті ұқыптылықпен құрастыру арқылы ерекше ғарыш әлемін жасады. Әр бала өзіне ұнаған ғаламшарды таңдап, оған түрлі түс беріп, ерекше сәндеді. Сонымен қатар, балалар ғарыш әлемі туралы қызықты мәліметтермен танысып, «ғарышқа саяхат» жасағандай әсер алды.

«Шабыт» арт-студиясының балалары шығармашылық қабілетін дамытып, өнерге деген қызығушылығын арттыра түсті.

joomlamodniyportal.ru

Comments

Жас ұрпаққа бейбітшілік ұғымының маңызын түсіндіру, достыққа, татулыққа, елін сүюге және заң талаптарын сақтауға тәрбиелеу мақсатында «Заң мен жасөспірім» жобасы аясында «Бейбіт өмір – біздің таңдау» тақырыбында әңгіме сағаты өткізілді.

Әңгіме сағаты барысында тәуелсіз еліміздің тыныштығы мен тұрақтылығы – халқымыздың ең үлкен байлығы екендігі кеңінен айтылды. Қоғамдағы тәртіп пен заң талаптарын сақтау әр азаматтың міндеті екендігі айтылып, құқық бұзушылықтың алдын алу мәселелері де қозғалды.

Іс-шара барысында оқушылар арасында сұрақ-жауап ұйымдастырылып, олардың ой-пікірлері тыңдалды. Іс-шара соңында «Бейбіт өмір – біздің таңдау» атты кітап көрмесі таныстырылды. Көрмеге бейбітшілік, тәуелсіздік, ел бірлігі, патриоттық тәрбие және құқықтық мәдениет тақырыптарындағы кітаптар қойылып, оқырмандарға мазмұнды әдебиеттер ұсынылды.

joomlamodniyportal.ru

Comments