Д.А.Қонаев атындағы Жамбыл облыстық балалар мен жасөспірімдер кітапханасы ұйымдастыруымен қазақтың даңқты балуаны, Жақсылық Үшкемпіровтің «Жас спортшылар – Жақсылық жолымен» атты бейнекөрсетілім өткізілді.

Іс-шараның мақсаты – жас ұрпақты елін сүйетін, жігерлі, еңбекқор болуға тәрбиелеу, спортқа деген қызығушылығын арттыру және Жақсылық Үшкемпіровтің өнегелі өмір жолын насихаттау.

Шара барысында №13 бөбекжай-бақшасының бүлдіршіндері Жақсылық Үшкемпіров туралы қызықты деректермен танысып, оның қазақ спортының дамуына қосқан зор үлесі жөнінде ақпарат алды. Балалар чемпионның ерлігі мен жеңістеріне қызығушылық танытып, өз ойларымен бөлісті. Сондай-ақ бейнеролик арқылы спортшының өмірі мен еңбек жолы, халықаралық жарыстардағы жетістіктері және жастарға қалдырған өнегелі мұрасы кеңінен көрсетілді.

joomlamodniyportal.ru