Жамбыл облыстық балалар мен жасөспірімдер кітапханасы

«Интеллектум» балалар клубы «Алтын сақа» ұлттық ойын

Ұлттық құндылықтарды дәріптеу, балалардың қиялын ұштап, ойлау қабілеті мен тіл байлығын дамыту мақсатында «Интеллектум» балалар клубында «Алтын сақа» тақырыбында танымдық-тәрбиелік іс-шара ұйымдастырылды.

Іс-шара барысында қазақ халқының асыл мұраларының бірі – «Алтын сақа» ертегісі жанды дауыста мәнерлеп оқылып, бүлдіршіндер ертегі әлеміне қызыға саяхат жасады. Балалар асықтың түрлерімен танысып, оның қазақ халқының тұрмыс-тіршілігі мен ұлттық ойындарындағы маңызы туралы құнды мәліметтер алды.

Бүлдіршіндер ертегіні зор ықыласпен тыңдап, ертегі желісі бойынша ұйымдастырылған сұрақ-жауап барысында балалар өз ойларын еркін әрі сенімді жеткізіп, белсенділік танытты.

Кликните, чтобы увеличить изображение 01.jpg

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=8#sigProGalleria5a93cdb957

Comments

«Шабыт» балалар арт-студиясы «Дорба жасау» матадан пішіп тігу арқылы жасалатын бұйымдар

«Шабыт» балалар арт-студиясының кезекті сабағында бүлдіршіндер фетр матадан дорба-сөмке жасап үйренді. Сабақ барысында балалар мата түрлерін, түстерді ажыратып, бөлшектерді жіп арқылы біріктіріп, әсем қол сөмкелерін құрастырды.

Бұл жұмыс балалардың шығармашылық қабілетін, ұсақ қол моторикасын дамытып, өз бетімен жұмыс істеуге және ұқыптылыққа тәрбиелейді. Нәтижесінде әр бүлдіршін өз қолымен ерекше дорба жасап шығарды.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=8#sigProGalleria1e0527d835

Comments

«Жаз кітаппен қызық» жобасы аясында «Оқы! Ойла! Ойна!» интеллектуалды квест ойыны

Жас оқырмандардың кітап оқуға деген қызығушылығын арттыру, шығармашылық және зияткерлік қабілеттерін дамыту, сондай-ақ олардың бос уақытын мазмұнды әрі қызықты ұйымдастыру мақсатында Д.А. Қонаев атындағы Жамбыл облыстық балалар мен жасөспірімдер кітапханасының ұйымдастыруымен «Тау самалы» жазғы сауықтыру лагерінде «Жаз кітаппен қызық» жобасы аясында «Оқы! Ойла! Ойна!» интеллектуалды квест ойыны өткізілді. Ойын барысында қатысушылар кітап әлеміне саяхат жасап, әдеби сұрақтарға жауап беріп, логикалық тапсырмалар орындап, жұмбақтар шешіп, жасырын сөздерді тауып, өздерінің білімдері мен тапқырлықтарын сынады.

Нәтижесінде, қатысушылар өздерінің білімдерін шыңдап, логикалық ойлау, жылдам шешім қабылдау және топпен жұмыс жасау дағдыларын дамытты. Балалардың кітап оқуға деген қызығушылығы артып, бос уақыттарын тиімді әрі мазмұнды өткізудің маңыздылығын түсінді. Квестке қатысушылар белсенділік танытып, ерекше әсерге бөленіп, көтеріңкі көңіл-күймен тарқасты.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=8#sigProGalleria774857ef07

Comments

«Табиғат сақшылары» викториналық ойындар

«Жасыл әлем-ортақ мекен»экологиялық танымдық жобасы аясында табиғат туралы білімдерін тереңдету,экологиялық тәрбие беру және логикалық ойлау мен командалық жұмысты дамыту мақсатында «Тау самалы» оқу-сауық орталығының қатысуымен «Табиғат сақшылары» атты виториналық ойындар ойнатылды. Балалар «Жасыл әлем», «Табиғат сақшылары», және «Есо-Шаңырақ» топтарға бөлініп, ұрандарын айтып, өздерін таныстырды. Экология тақырыбында мақал-мәтелдерді аяқтап,жұмбақтар шешіп, спорттық ойындардан бақ сынады. Сондай – ақ, табиғатты қорғау мәселелері тақырыбында сурет салып қорғады. Ойн соңында кітапханашылар тақырыпқа сай және жаңа түскен кітаптар мен журналдарды таныстырды.Үздік және белсене қатысқан балаларға алғыс хаттар беріліп,сыйлықтар таратылды.