Жамбыл облыстық балалар мен жасөспірімдер кітапханасы

«Шабыт» балалар арт-студиясы «Дорба жасау» матадан пішіп тігу арқылы жасалатын бұйымдар

«Шабыт» балалар арт-студиясының кезекті сабағында бүлдіршіндер фетр матадан дорба-сөмке жасап үйренді. Сабақ барысында балалар мата түрлерін, түстерді ажыратып, бөлшектерді жіп арқылы біріктіріп, әсем қол сөмкелерін құрастырды.

Бұл жұмыс балалардың шығармашылық қабілетін, ұсақ қол моторикасын дамытып, өз бетімен жұмыс істеуге және ұқыптылыққа тәрбиелейді. Нәтижесінде әр бүлдіршін өз қолымен ерекше дорба жасап шығарды.

Кликните, чтобы увеличить изображение 01.jpg

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=4#sigProGalleria1e0527d835

Comments

«Жаз кітаппен қызық» жобасы аясында «Оқы! Ойла! Ойна!» интеллектуалды квест ойыны

Жас оқырмандардың кітап оқуға деген қызығушылығын арттыру, шығармашылық және зияткерлік қабілеттерін дамыту, сондай-ақ олардың бос уақытын мазмұнды әрі қызықты ұйымдастыру мақсатында Д.А. Қонаев атындағы Жамбыл облыстық балалар мен жасөспірімдер кітапханасының ұйымдастыруымен «Тау самалы» жазғы сауықтыру лагерінде «Жаз кітаппен қызық» жобасы аясында «Оқы! Ойла! Ойна!» интеллектуалды квест ойыны өткізілді. Ойын барысында қатысушылар кітап әлеміне саяхат жасап, әдеби сұрақтарға жауап беріп, логикалық тапсырмалар орындап, жұмбақтар шешіп, жасырын сөздерді тауып, өздерінің білімдері мен тапқырлықтарын сынады.

Нәтижесінде, қатысушылар өздерінің білімдерін шыңдап, логикалық ойлау, жылдам шешім қабылдау және топпен жұмыс жасау дағдыларын дамытты. Балалардың кітап оқуға деген қызығушылығы артып, бос уақыттарын тиімді әрі мазмұнды өткізудің маңыздылығын түсінді. Квестке қатысушылар белсенділік танытып, ерекше әсерге бөленіп, көтеріңкі көңіл-күймен тарқасты.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=4#sigProGalleria774857ef07

Comments

«Табиғат сақшылары» викториналық ойындар

«Жасыл әлем-ортақ мекен»экологиялық танымдық жобасы аясында табиғат туралы білімдерін тереңдету,экологиялық тәрбие беру және логикалық ойлау мен командалық жұмысты дамыту мақсатында «Тау самалы» оқу-сауық орталығының қатысуымен «Табиғат сақшылары» атты виториналық ойындар ойнатылды. Балалар «Жасыл әлем», «Табиғат сақшылары», және «Есо-Шаңырақ» топтарға бөлініп, ұрандарын айтып, өздерін таныстырды. Экология тақырыбында мақал-мәтелдерді аяқтап,жұмбақтар шешіп, спорттық ойындардан бақ сынады. Сондай – ақ, табиғатты қорғау мәселелері тақырыбында сурет салып қорғады. Ойн соңында кітапханашылар тақырыпқа сай және жаңа түскен кітаптар мен журналдарды таныстырды.Үздік және белсене қатысқан балаларға алғыс хаттар беріліп,сыйлықтар таратылды.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=4#sigProGalleria3d99e0d179

Comments

«Қазағымның үні сенсің - домбыра» мерекелік шара

Ұлттық құндылықтарды дәріптеу, қазақ халқының киелі аспабы – домбыраның тарихи-рухани маңызын насихаттау, жас ұрпақтың ұлттық өнерге деген қызығушылығын арттыру, күй өнері мен дәстүрлі музыканы кеңінен таныту және отансүйгіштікке тәрбиелеу мақсатында 5 шілде – Ұлттық домбыра күніне орай Д.А.Қонаев атындағы облыстық балалар мен жасөспірімдер кітапханасы мен Ш. Уәлиханов атындағы Жамбыл облыстық ғылыми әмбебап кітапханасының бірлесіп ұйымдастыруымен «Қазағымның үні сенсің - домбыра» мерекелік шара өткізілді.

Іс-шара барысында қатысушыларға қазақтың қасиетті қара домбырасының шығу тарихы, ұлттық мәдениетіміздегі орны мен рухани құндылығы жайында кеңінен мәлімет берілді. Бағдарлама аясында домбыра тақырыбына арналған әндер шырқалып, ұлттық өнерді дәріптейтін өлеңдер оқылды. Сонымен қатар қатысушылардың белсенділігін арттыру мақсатында домбыра тарихы мен күй өнеріне арналған қызықты викториналық сұрақ-жауап ойындары ұйымдастырылып, білімдерін шыңдауға мүмкіндік жасалды.

Мерекелік шараның ерекше сәттерінің бірі – «Inju» өнер білім орталығы «INJU» домбырашылар ансамбльі «Адай», «Балбырауын», «Ер-Тұран» халық күйлерін орындап, көрермендердің ыстық ықыласына бөленді. Іс-шара соңында қатысушылар ұлттық өнерге деген сүйіспеншіліктерін білдіріп, қазақтың қастерлі домбырасы – халқымыздың рухани мұрасы, елдік пен бірліктің символы екендігін ерекше атап өтті. Осындай тағылымды шаралар ұлттық мәдениетімізді ұлықтап, жас ұрпақтың бойына ата-баба мұрасына деген құрмет пен мақтаныш сезімін қалыптастыруға зор үлес қосады.