Балалардың жазғы демалыс уақытын тиімді ұйымдастыру, кітап оқуға деген қызығушылығын арттыру және бос уақыттарын мазмұнды өткізуге баулу мақсатында Д.А. Қонаев атындағы облыстық балалар мен жасөспірімдер кітапханасының ұйымдастыруымен «Жаз кітаппен қызық» жобасы аясында Мөлдір бұлақ облыстық оқу-сауықтыру орталығында «Кітапқа толы көңілді жаз» әдеби мерекелік кеш өтті.

Әдеби кеш барысында лагерь демалушылары қызықты ойындар мен танымдық тапсырмаларға қатысып, кітаптар әлеміне саяхат жасады. Сонымен қатар, түрлі әдеби сұрақтарға жауап беріп, өздерінің білімдері мен шығармашылық қабілеттерін көрсетті.

Көңілді кеш балаларға көтеріңкі көңіл-күй сыйлап, кітаптың адам өміріндегі маңызын тереңірек түсінуге мүмкіндік берді. Шара соңында қатысушылар ұйымдастырушыларға алғыстарын білдіріп, кітаппен өткен жазғы демалыстың ерекше әсерге толы болғанын атап өтті.

joomlamodniyportal.ru