Жамбыл облыстық балалар мен жасөспірімдер кітапханасы

Әлімқұлов Бақытжан Советұлына 60 жас «Балаларға күлкі мен ой сыйлаған қаламгер» кездесу кеші

Балалар жазушысы, сатирик, Қазақстан журналистер одағының мүшесі Әлімқұлов Бақытжан Советұлының 60 жас мерейтойына орай «Балаларға күлкі мен ой сыйлаған қаламгер» атты кездесу кеші өтті.

Кеш барысында Бақытжан Советұлының өмірі мен шығармасы жайлы ақпарат беріліп, жасанды интеллект арқылы құралған бейнеролик көрсетілді. Аталған іс-шараға балалар жазушысы Марат Құлибайұлы және айтыскер ақын, журналист Есет Досалы қатысып, жылы лебіздерін білдірді. №63 орта мектебінің оқушылары жазушының «Хайп пен лайк» сатиралық жинағынан «Үш тілділік», «Бүркіт пен шымшық», «Болашақ бала» өлеңдерін нақышына келтіріп, жатқа айтты.

Сондай-ақ, сатираға толы қаламгердің шығармасынан алынған «Қоянның құлағы неге ұзын, құйрығы неге қысқа» көрінісін қойып, «Балбырауын» күйін тарту етті.

Автордың «Әріптер шеруі» сөз жұмбақтарынан ойын бағдарламасы ұйымдастырылып, балалар тапсырманы белсенді орындады. Оқырмандар тарапынан Бақытжан Советұлына шығармашылығына қатысты сұрақтар қойылды.

Кеш соңында кітапхана қызметкері «Балаларға базарлық» кітап көрмесінде ұсынылған автордың кітаптары мен мерзімді басылымдар беттеріне жарияланған мақалаларға шолу жасады.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=28#sigProGalleria84d82204b5

Comments

Рафаэль Ниязбектің туған күніне орай «Жыр жолымен» библио вернисаж

Жас ұрпаққа ақынның өмірі мен шығармашылығын кеңінен таныстыру, оның поэзиясындағы ұлттық рух пен көркемдік ерекшелікті насихаттау мақсатында көрнекті ақын Рафаэль Ниязбектің туған күніне орай «Жыр жолымен» библио вернисаж өтті.

Іс-шара барысында ақынның өмірбаянына шолу жасап, шығармашылық жолы, әдебиетке қосқан үлесі туралы мазмұнды мәліметтермен танысты. Сонымен қатар, Рафаэль Ниязбектің жалынды жырлары оқылып, өлеңдерінің тақырыптық, идеялық ерекшеліктері талданды. Ақын поэзиясындағы елдік рух, отансүйгіштік сезім мен адамгершілік құндылықтар жөнінде пікір алмасу ұйымдастырылды.

Іс-шара аясында оқушылардың қызығушылығын арттыру мақсатында сұрақтар қойылды. Оқырмандар ақын шығармашылығына қатысты өз ой-пікірлерін білдіріп, рухани әсерлерімен бөлісті.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=28#sigProGalleria39c3d15788

Comments

«Bookstagram Live:Әр кітап – бір әлем» онлайн жобасы аясында Дулат Исабековтің «Қарғын» романына онлайн пікірталас

Кітапхананың ұйымдастыруымен «Bookstagram Live:Әр кітап – бір әлем» онлайн жобасы аясында Дулат Исабековтің «Қарғын» романына онлайн пікірталас өтті.

Іс-шара барысында, Жамбыл облысы әкімдігінің білім басқармасының мамандандырылған әскери мектеп-интернатының оқушысы Исаков Ардан және де әлеуметтік желі қолданушыларының қатысуымен Дулат Исабековтің «Қарғын» романы талқыға түсті. Терең психологиялық шығарманың кейіпкерлерін таныстырып, жастар өмірі мен махаббат тақырыбын талқылап өз ойларын ортаға салды.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=28#sigProGalleriaadd8534aed

Comments

Мұқағали Мақатаев – 95 жыл «Мұқағали - мәңгілік ғұмыр» информина

Оқырмандарға ақынның өмірі мен шығармашылығын насихаттау, ақынның өлеңдері арқылы оқушылардың тіл байлығын, көркем ойлау қабілетін дамыту мақсатында Ыбырай Алтынсарин атындағы № 49 мектеп-гимназияда «Мұқағали - мәңгілік ғұмыр» информина өтті.

Іс-шара барысында, ақынның өмір жолы таныстырылып, махаббат, достық, өмір туралы өлеңдері оқылып, шығармашылығы жөнінде ой-пікірлер ортаға салынды.

Шара соңында кітап көрмесіне шолу жасалды.