Оқырмандарды отансүйгіштікке, адамгершілікке, туған еліне адал қызмет етуге тәрбиелеу, Қазақстан Республикасының Мемлекеттік Туын, Елтаңбасын, Әнұранын қастерлеуге баулу, сондай-ақ ел тарихы мен ұлттық құндылықтарды насихаттау мақсатында Қазақстан Республикасының Мемлекеттік Рәміздері күніне орай №49 мектеп-гимназиясында «4 маусым – Қазақстан Республикасының Мемлекеттік Рәміздері күні» интеллектуалдық ойын ұйымдастырылды.

Іс-шара барысында мемлекеттік рәміздердің қалыптасу тарихы, олардың маңызы мен мазмұндық ерекшеліктері жан-жақты түсіндірілді. Қатысушыларға тақырыпқа сәйкес викториналық сұрақтар қойылып, рәміздердің әрбір элементінің мәні мен символдық ерекшеліктеріне байланысты танымдық тапсырмалар ұсынылды. Сонымен қатар мақал-мәтелдерді толықтыру, ребус шешу секілді ойын түрлері өткізілді.

Шара аясында тақырыптық кітап көрмесіне шолу жасалып, мемлекеттік рәміздерге қатысты әдебиеттер мен ақпараттық материалдар таныстырылды. Іс-шара оқушылардың мемлекеттік рәміздерге деген құрметін арттырып, тарихи танымын кеңейтуге, азаматтық жауапкершілік пен патриоттық сана-сезімін нығайтуға ықпал етті.

joomlamodniyportal.ru