балалар мен жасөспірімдер кітапханасы

Көркем әдебиетті оқуға деген қызығушылығын дамыту, шығармашылық қабілетін арттыру мақсатында республикалық кітапханалар оқырмандарының арасында (12-16 жас аралығындағы) «Ең үздік пікірдің авторы», «Кітапхана досы», «Зерделі оқырман» үш номинация бойынша «Оқитын өңір» республикалық online байқау өткізілді.

Өскелең ұрпақты ұлттық рухта тәрбиелеу, рухани мәдениетімізді насихаттау мақсатында ұйымдастырған «Оқитын өңір» республикалық online байқауына облыстар көлеміндегі кітапхана оқырмандары үлкен қызығушылықпен қатысып, байқау өз мәресіне жетті.

Байқау нәтижесі бойынша Жамбыл облысы, Тараз қаласынан қатысқан №125 Education мектебінің 11 сынып оқушысы Айым Қайратқызына «Ең үздік пікірдің авторы» номинациясы берілді.

Қызылорда облысы, Сырдария ауданы, №132 Түймебай Айтбаев атындағы мектептің 8 сынып оқушысы Мерует Серікжанқызы «Зерделі оқырман» номинациясы бойынша марапатталды.

Астана қаласынан қатысқан №43 қосымша білім беру мектебінің оқушысы Баян Рашидин «Кітапхана досы» номинациясына ие болды.

Батыс Қазақстан облысы, Ақжайық ауданынан қатысқан Сабырова Айнұр, Қонар Бекарыс ынталандыру сыйлықтарына ие болды.

Байқауға қатысқан басқа да үміткерлер белсене атсалысқаны үшін алғыс хаттармен марапатталды.

joomlamodniyportal.ru

Comments

Жанұядағы әке мен бала арасындағы қарым-қатынасты нығайту, балаларын басқа да қырларынан тани отырып болашақта неге икемдеу керек екенін бақылау жасай алуға тәрбиелеу; оқырмандардың әкеге деген бала махаббатын ояту, ата-ана қадірін түсіне білуге баулу мақсатында 21 маусым Халықаралық әкелер күніне орай «Әке – ұрпақтың панасы» тақырыбында кітап көрмесі ұйымдастырылды.

Кітап көрмеге Төлен Әбдікұлы «Әке» Алматы «Қайнар» баспасы 2005 ж, (2дана), Пернебай Дүйсенбин «Ән салшы, Әке!», Қаржаубай Омарұлы «Әке» Алматы «Балауса» баспасы, 1994 ж, (2 дана), Елжас Ертайұлы «Бала тәрбиелеме өзіңді тәрбиеле», Абдулманап Нурмагамедов «Отец» издотел. «АСТ», Москва, Мұхитдин Исаұлы «Отбасы ғылымхалы» Алматы «Самға» баспасы, 2018 ж, атты кітаптарымен бірге «Ақ жол» газетінің бетіне басылып шыққан «Әке» тақырыбындағы әңгіме, газет журналдар қойылды. Бұл кітап көрмесі әке мен бала арасындағы қарым-қатынасты жолға қоюға, әке беделін арттыруға көп көмегі бар.

joomlamodniyportal.ru

Comments

1916 жылғы ұлт-азаттық көтерілістің басшыларының бірі, патша әскеріне қарсы күрестің белсенді қатысушысы – Амангелді Имановтың 150 жылдығына орай «Халық батыры – Иманов» ақпараттық сағат өткізілді.

Іс-шара барысында Амангелді Имановтың өмір жолы, басқарушылық және ұйымдастырушылық қабілеттері, қолбасшы ретіндегі ерлігі, оның ерлігін шығармаларына арқау еткен ақын-жазушылар, суретшілер мен композиторлар туралы көптеген ақпарат берілді.

Шара соңында оқырмандар батырдың биік тұлғасына арналған еңбектер мен зерттеулер, сонымен қатар, батырдың ұрпақтары жайлы мәліметтермен танысты.

joomlamodniyportal.ru

Comments