балалар мен жасөспірімдер кітапханасы

«Болашаққа жоспар жаңа оқу орнымен» жобасы аясында университеттер апталығының төртінші күндігінде С.Ж.Асфендияров атындағы Қазақ Ұлттық Медициналық университеті онлайн кездесуге қатысты.

Қабылдау комиссиясының жауапты хатшысының орынбасары Айгерім Аскаровна оқу орнының құрылу тарихынан бастау алып, медициналық университеттің оқыту деңгейлеріне тоқталып өтті.

Бүгінде еліміздегі ең ірі және қарқынды дамып келе жатқан медициналық университеттердің бірі, жоғары медициналық білім беру саласында жоғары беделге, білім беру қызметтерін көрсетуде де, медицина ғылымы мен клиникалық қызметті дамытуда да өзіндік дәстүрлері бар оқу орны екендігін айтты.

Zoom платформасы арқылы Жамбыл жоғары медициналық колледжінің жоғары курс студенттері, Тараз мамандандырылған колледж студенттері және Б.Момышұлы атындағы №45 қазақ классикалық гимназиясының 11 сынып оқушылары тікелей эфирде өздеріне қажет барлық мәліметтерді алып, сұрақтарына жауап алды.

Апталық кестесі қосымшада көрсетіледі.
1. 10.02.2023ж Сүлейман Демирел университеті

Университеттер апталығы

«Болашаққа жоспар жаңа оқу орнымен» жобасы аясында университеттер апталығының үшінші күндігінде Лев Гумилев атындағы Еуразия ұлттық университеті онлайн кездесуге қатысты.

Мектеп түлектеріне кәсіби бағдар беру бөлімі басшысының міндетін атқарушы Егеубаева Ляззат Бакитовна 2023 жылғы Topuniversities рейтингі бойынша әлемнің үздік 277-ші университеті болып саналатын оқу орны екендігін айтып өтті. Бүгінде Л.Н. Гумилев атындағы ЕҰУ әлемнің бастаушы білім беру қорларымен, ғылыми-зерттеулер, студенттермен, оқытушылармен алмасу саласында және академиялық байланысты дамыту бойынша шетел ЖОО-мен 120-ға жуық келісім-шарт жасасқан, ЕҰУ халықаралық университеттер - ШЫҰ елдерінің университеттері, ТМД Желілік университеттерінің толық мүшесі болып табылатындығына баса назар аударды.

Мектеп түлектерінің сұрақтарына жауап берілді. Zoom платформасы арқылы №15 мектеп-гимназиясының 11 сынып оқушылары, №33 орта мектебінің 11 сынып оқушылары тікелей эфирде өздеріне қажет барлық мәліметтерді алды.

Іс-шара соңында Л.Н.Гумилев атындағы Еуразия Ұлттық университетінің жадынама парақшалары мектеп түлектеріне таратылды.

Апталық кестесі қосымшада көрсетіледі.
1. 9.02.2023 ж С.Ж.Асфендияров атындағы Қазақ Ұлттық Медициналық университеті
2. 10.02.2023ж Сүлейман Демирел университеті

Университеттер апталығы

«Болашаққа жоспар жаңа оқу орнымен» университеттер апталығы «Болашаққа жоспар жаңа оқу орнымен» жобасы аясында университеттер апталығының екінші күндігінде Азаматтық авиация академиясы онлайн кездесуге қатысты.

Мектеп түлектері мен колледж студенттеріне Азаматтық авиация академиясының түлектерді қабылдау және карьера департаментінің қабылдауды ұйымдастыру жөніндегі бас менеджері Маханова Гульсим Кожамхановна авиация саласының тиімді және қауіпсіз жұмыс істеуі үшін ІСАО EASA IATA халықаралық талаптарына сәйкес авиация мамандарын даярлау бойынша Қазақстан мен орталық Азиядағы дәстүрлі көшбасшы болып табылатын бірегей оқу орны екендігін айтып өтті.

Академияда білім беру қызметтерін ұсынуға арналған жоғары білікті мамандар, дамыған инфрақұрылым және материалдық-техникалық базасы бар таңдаулы оқу орны екендігіне баса назар аударылды.

Мектеп түлектерінің сұрақтарына жауап берілді.

Zoom платформасында №13 орта мектебінің 11 сынып оқушылары, Тараз мамандандырылған колледжінің студенттері және Тараз Теміржол коллледжінің студенттері тікелей эфирде өздеріне қажет барлық мәліметтерді алды.

Іс-шара соңында Азаматтық авиация академиясының жадынама парақшалары мектеп түлектері мен коллледж студенттеріне таратылды.

Апталық кестесі қосымшада көрсетіледі.
1. 8.02.2023 ж Л.Н.Гумилев атындағы Еуразия Ұлттық университеті
2. 9.02.2023 ж С.Ж.Асфендияров атындағы Қазақ Ұлттық Медициналық университеті
3. 10.02.2023ж Сүлейман Демирел университеті

Университеттер апталығы