балалар мен жасөспірімдер кітапханасы

21 ақпан – Халықаралық ана тілі күніне орай «Ана тілім – дана тілім» тақырыбында бейнеролик өткізілді. Ана тілін құрметтеуге, оны шұбарламай таза сөйлеуге тәрбиелеу мақсатында оқырмандардың патриоттық сезімін қалыптастыра отырып «Айқын» балабақшасының бүлдіршіндері өз өнерлерін көрсетіп, бүлдіршіндерге ана тілі туралы сұрақтар қойылып, жұмбақтар жасырылып «Ойлан, тап» ойыны ойнатылды.

Оқырмандарға көптеген мағлұматтар беріліп , іс-шара қызықты өткізілді. «Ана тілім - ардағым» кітап көрмесіне шолу жасалды.

«Ана тілім – дана тілім»

Кеңес әскерлерінің Ауған жерінен шығарылғанына 34 жыл толуына орай кітапханашылар Жеңіс саябағында №12 Керімбай атындағы мектеп-гимназиясының 8-сынып оқушыларымен бірге Ауған соғысының ардагері - Ізбасаров Керім Махамбетұлымен кездесіп, сыр сұхбат өткізді.

Саябақта орналасқан Ауған соғысы ардагерлерінің кеңсесін аралап, еліміздің батыр жауынгерлері мен Жамбыл өңірінен қатысқан жауынгерлер туралы мәлімет алды.

Оқырмандар сұрақтарына, уақыт пен тарихтың мәңгі жадында қалған оқиғаларды өз басынан өткерген ардагердің айтары да, бізге берер тәлімі де мол болды.

«15 ақпан – Ауған ардагерлері арамызда» сыр сұхбат

«Болашаққа жоспар жаңа оқу орнымен» жобасы аясында университеттер апталығының соңғы қорытындылау күнінде Сүлейман Демирел университеті онлайн кездесуге қатысты.

Рекрутинг және талапкерлерді қабылдау офисінің маманы Әліби Ордабек оқу орнының құрылу тарихынан бастау алып, университеттің оқыту деңгейлеріне тоқталып өтті. Оқу орны 1996 жылы ашылған еліміздің алғашқы халықаралық үлгіде білім беретін жоғары оқу орындарының бірі екендігін айтты.

Талапкерлерге қойылатын талаптар мен міндеттерді түсіндірді. Оқытушылармен алмасу саласында және академиялық байланысты дамыту бойынша шетел ЖОО-мен алмасу практикасының жүргізіліп жатқандығын айтты. Білім беру қызметтерін ұсынуға арналған жоғары білікті мамандар, дамыған инфрақұрылым және материалдық-техникалық базасы бар таңдаулы оқу орны екендігіне баса назар аударылды.

Zoom платформасы арқылы «Әлем» колледжінің жоғары курс студенттері, №23 орта мектебінің 11 сынып оқушылары тікелей эфирде өздеріне қажет барлық мәліметтерді алып, сұрақтарына жауап алды.

Осымен, «Болашаққа бағдар жаңа оқу орнымен» жобасы аясында өткен университеттер апталығы аяқталды. Апталыққа ат салысып, жоғары белсенділік танытқан барлық қатысушыларға кітапхана атынан алғыс айтамыз.

Университеттер апталығы