балалар мен жасөспірімдер кітапханасы

«Әулиеата – кітап оқитын өңір» кітап оқу акциясы аясында оқырмандардың кітапқа деген қызығушылығын арттыру, оқу мәдениетін қалыптастыру, үздік оқырмандарды ынталандыру мақсатында «Кітап оқы – арманға ұмтыл!» үздік оқырмандарды марапаттау кеші өтті.

Іс-шара барысында Д.А.Қонаев атындағы балалар мен жасөспірімдер кітапханасының оқырмандары арасында жыл басынан ең көп кітап оқыған үздіктер марапатталды. Оқырмандар өздерінің оқыған кітаптары туралы пікірлерімен бөлісіп, кітап оқу арқылы алған әсерлерін айтты.

Марапаттау барысында Тараз қаласының орта мектептердің оқушылары Д. Қасымов, Ж. Бекжанқызы, А. Әбсат, А.Серік ынталандыру сыйлыққа, Н.Жаңабай,А. Шәмен «Зерделі жас» номинациясына, А.Қали, А.Болат «Кітапхананың мақтанышы» номинациясына ие болды. Ал, ең көп кітап оқыған Рахымберді Айша «Жыл оқырманы» номинациясымен мараптатталды. Барлық қатысушыларға сыйлықтар мен Алғыс хат, Дипломдар берілді.

Кеш қонақтар қатарында журналист, сатирик-ақын Бақытжан Советұлы, журналист, балалар жазушысы, республикалық «Еңбекші» газетінің бас редакторы Марат Құлибайұлы, филолог, журналист, «Анаға тағзым» орталығының директоры Мырза-Ғали Эльмира, облыстық «Aq jol» газетінің аға тілшісі Қамар Қарасаева болды.

Көрермен назарына мемлекеттік шығармашылық тапсырыс аясындағы «Ерке» ЖК-дің домбыра үйірмесі күйлер орындап, «SMART» ЖК би үйірмесі қазақ «Аманат» және түрік «Байрам» билерін ұсынды.

Сонымен қатар, кітап көрмесіне шолу жасалды.

joomlamodniyportal.ru

Comments

Тараз қаласы № 49 орта мектеп оқушыларына «Қазақстанның егемендік жолындағы тарихи белесі» ақпараттық сағаты өтті. Ақпараттық сағат барысында оқушыларға еліміздің Тәуелсіздікке дейінгі күрес жолы, Тәуелсіздік жарияланған тарихи сәт, мемлекет қайраткерлерінің еңбегі туралы мағлұмат берілді.

Сонымен қатар, «Тәуелсіздік – мәңгілік ел мұраты» тақырыбында көрме ұсынылды. Оқушылар патриоттық өлеңдер оқып, өз ой-пікірлерімен бөлісті.

joomlamodniyportal.ru

Comments

Құрметті отандастар! Баршаңызды 25 қазан — Республика күнімен шын жүректен құттықтаймыз!

Бұл — халқымыздың азаттыққа ұмтылған арманын айқындаған, елдігімізді жаңа биікке көтерген ерекше күн. Республика күні – тәуелсіз мемлекеттігіміздің тұғыры, демократиялық даму жолындағы маңызды белес.

Осы бір тарихи күнде әрбіріміз Отанға деген сүйіспеншілігімізді, бірлік пен ынтымаққа деген адалдығымызды жаңғыртамыз. Еліміз аман, жұртымыз тыныш, Туымыз мәңгі желбіреп тұрсын!

Мереке құтты болсын, қазақ елі!

Ізгі ниетпен Д.А.Қонаев атындағы облыстық балалар мен жасөспірімдер кітапханасының директоры Инкарбекова Гулфайруз Қапарқызы!

joomlamodniyportal.ru

Comments