Жамбыл облыстық балалар мен жасөспірімдер кітапханасы

Кітапханамызға №15 бөбекжай-бақшасының бүлдіршіндеріне экскурсия жасалынды.

Бүлдіршіндер кітап сөрелерімен танысып, ертегілер әлеміне саяхат жасап, көтеріңкі көңіл-күй мен ерекше әсерге бөленді.

«Интеллектум қызық ойындар әлемі» миға шабуыл

«Интеллектум» жобасы аясында №15 бөбекжай бақшасының бүлдіршіндерімен «Қызық ойындар әлемі» тақырыбында кезекті интеллектуалды ойындар өтті. Бұл адамның ойлау қабілетін, логикасын, есте сақтауын, зейінін және шығармашылық мүмкіндіктерін дамытатын ерекше ойын түрлері.

Балалар логикалық пазлдар, саусақтарға арналған жаттығулар, теңдік шары, танграм және т.б. қызықты, әрі пайдалы ойындармен танысты. Ойын барысында балалар жылдам шешім қабылдап, топпен жұмыс жасауды үйреніп ой-өрістерін өрбітті.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/?start=96#sigProGalleria430ed1e5c5

Comments

Әлімқұлов Бақытжан Советұлына 60 жас «Балаларға күлкі мен ой сыйлаған қаламгер» кездесу кеші

Балалар жазушысы, сатирик, Қазақстан журналистер одағының мүшесі Әлімқұлов Бақытжан Советұлының 60 жас мерейтойына орай «Балаларға күлкі мен ой сыйлаған қаламгер» атты кездесу кеші өтті.

Кеш барысында Бақытжан Советұлының өмірі мен шығармасы жайлы ақпарат беріліп, жасанды интеллект арқылы құралған бейнеролик көрсетілді. Аталған іс-шараға балалар жазушысы Марат Құлибайұлы және айтыскер ақын, журналист Есет Досалы қатысып, жылы лебіздерін білдірді. №63 орта мектебінің оқушылары жазушының «Хайп пен лайк» сатиралық жинағынан «Үш тілділік», «Бүркіт пен шымшық», «Болашақ бала» өлеңдерін нақышына келтіріп, жатқа айтты.

Сондай-ақ, сатираға толы қаламгердің шығармасынан алынған «Қоянның құлағы неге ұзын, құйрығы неге қысқа» көрінісін қойып, «Балбырауын» күйін тарту етті.

Автордың «Әріптер шеруі» сөз жұмбақтарынан ойын бағдарламасы ұйымдастырылып, балалар тапсырманы белсенді орындады. Оқырмандар тарапынан Бақытжан Советұлына шығармашылығына қатысты сұрақтар қойылды.

Кеш соңында кітапхана қызметкері «Балаларға базарлық» кітап көрмесінде ұсынылған автордың кітаптары мен мерзімді басылымдар беттеріне жарияланған мақалаларға шолу жасады.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/?start=96#sigProGalleria84d82204b5

Comments

Рафаэль Ниязбектің туған күніне орай «Жыр жолымен» библио вернисаж

Жас ұрпаққа ақынның өмірі мен шығармашылығын кеңінен таныстыру, оның поэзиясындағы ұлттық рух пен көркемдік ерекшелікті насихаттау мақсатында көрнекті ақын Рафаэль Ниязбектің туған күніне орай «Жыр жолымен» библио вернисаж өтті.

Іс-шара барысында ақынның өмірбаянына шолу жасап, шығармашылық жолы, әдебиетке қосқан үлесі туралы мазмұнды мәліметтермен танысты. Сонымен қатар, Рафаэль Ниязбектің жалынды жырлары оқылып, өлеңдерінің тақырыптық, идеялық ерекшеліктері талданды. Ақын поэзиясындағы елдік рух, отансүйгіштік сезім мен адамгершілік құндылықтар жөнінде пікір алмасу ұйымдастырылды.

Іс-шара аясында оқушылардың қызығушылығын арттыру мақсатында сұрақтар қойылды. Оқырмандар ақын шығармашылығына қатысты өз ой-пікірлерін білдіріп, рухани әсерлерімен бөлісті.