Кәсіби мансаптағы әр адамның жолы мамандық пен оқу орнын таңдаған сәттен басталады. Бұл оңай таңдау емес, өйткені ол болашақты анықтайды! Дұрыс таңдалған мамандық-болашақтағы бақытты өміріңнің кепілі. Сол себептен мамандық таңдаудан жаңылыспаған жөн.
Міне, осы орайда кітапхана ұжымы болашақ жас мамандарды жұмысқа баулу, қызығушылығын арттыру мақсатында жеке кәсібін ашқандардың бірі - Әлия ханымның «Құрақ көрпе және қыз жасауы» кішігірім тігін фабрикасында, жасөспірімдерді тәрбиелеу орталығының тәрбиеленуші қыз балаларымен «Екі қолға бір күрек» экскурс сабағын өткізді.
Әлия ханым қыздарды тігінге қатысты барлық құрал-жабдықтармен таныстырып, жұмыс барысын көрсетті.
Мұндағы басты мақсат – кәсіпке ынталандыру.
http://www.jobjk.kz/kz/?start=316#sigProGalleria3e295f4dce
Республика күніне орай "Қыран - елім Қазақстаным" патриоттық челлендж аясында Жамбыл облысы әкімдігінің ішкі саясат басқармасының «Қоғамдық келісім» КММ-нің басшысы Жинақбаева Мүбәрак Қасымқызы қазақстандық этнос өкілдерінің атынан кітапханамызға Сандыбай Мейіржанның «Түркі халықтарының ертегілері» кітабының 10 данасын сыйға тартты.
Іс-шара барысында №13 балабақшаның бүлдіршіндері Республика күніне арналған өлеңдер оқып, әндерді шырқады.
http://www.jobjk.kz/kz/?start=316#sigProGalleria9d69e7355c
Оқырмандарға экологиялық тәрбие беру арқылы олардың дүниетанымын, табиғатты қорғау қабілеттерін арттыру мақсатында кітапхана оқырмандарымен «Табиғатты аялайық» ой-талқы ұйымдастырылды.
Іс-шара барысында оқырмандарға экологиялық факторлар туралы білім беру қоршаған ортаның тазалығын, денсаулықтың үйлестігін сәйкестендіру, табиғат тіршілік көзі екенін, оны қорғау туралы мағлұматтар берілді, сұрақтар қойылып, мақал-мәтелдер айтылды, табиғатты аялау туралы қажетті ақпараттар беріліп, сұрақтарға жауап алынды.
http://www.jobjk.kz/kz/?start=316#sigProGalleria0bc5256b79
Д.А.Қонаевтың 110 жылдық мерейтойына орай ұйымдастырылған 8-11 сынып оқушылары арасында «Қазақтың біртуар ұлы – Дінмұхамед Қонаев» атты қалалық шығармашылық байқауының қатысушысы Дмитрий Карбышев атындағы №16 мектептің 8 «В» сынып оқушысы Маербек Дина ғылыми жобасын орындау мақсатында өзінің сыныптастарымен кітапханаға саяхат жасап, «Ғасырдың дара перзенті» кітап көрмесімен танысты.
Динаға шығармашылық жаңа ізденістер, білім жолында жаңа табыстар тілейміз!
http://www.jobjk.kz/kz/?start=316#sigProGalleria80b4a51c90