Жамбыл облыстық балалар мен жасөспірімдер кітапханасы

"Біз біргеміз бәріміз"

"Біз біргеміз бәріміз" кітапхана бағдарламасы аясында мүмкіндігі шектеулі балалармен жұмыс жүргізу барысында Д.А.Қонаев атындағы Жамбыл облыстық балалар мен жасөспірімдер кітапханасының қызметкерлері мүмкіндігі шектеулі балаларды әлеуметтік ортаға бейімделуіне көмек беру мақсатында, кітапхана қорына келіп түскен жаңа оқулықтармен таныстырды.

Мұқтаж жандардың тұлға болып қалыптасуына ықпал ету мақсатында тізім бойынша жекелеген үйлерге барып, жас ерекшелігіне байланысты "Төрт түлік", "Ертегім менің, ертегім", "Ертегілер әлемінде", "Менің сүйікті ертегілерім", "Күл қыз", "Арыстан мен патша", "Әжемнің ертегілері", "Әріптермен танысу", "Өнегелі ертегілер" тағы басқа жаңа кітаптартар ұсынылды.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/?start=312#sigProGalleria7060c89a5b

Comments

«Әлемді кітап арқылы танимын» ең көп оқитын оқырмандар арасында облыстық байқау

Жамбыл облысы әкімдігінің мәдениет, архивтер және құжаттама басқармасы, Д.А.Қонаев атындағы Жамбыл облыстық балалар мен жасөспірімдер кітапханасы және мектеп олимпиадаларын және мектептен тыс іс-шараларын өткізетін облыстық орталықтың ұйымдастыруымен «Рухани жаңғыру» бағдарламасының «Туған жер» арнайы жобасы аясында «Әлемді кітап арқылы танимын» ең көп оқитын оқырмандар арасында облыстық байқау ұйымдастырылды.

2017ж – Ескен Елубаевтың, 2018ж – Сұлтан Қалиевтың, 2019 ж – Пернебай Дүйсенбиннің шығармашылықтары бойынша өткізілсе, 2021 ж - Әлдихан Қалдыбаевтың, ал 2022 жылы - арасында балалар ақыны Совет Әлімқұловтың өмірі мен шығармашылығына арналды.

Байқауға жас ерекшеліктеріне қарай 8-12 жас аралығындағы аудандық іріктеу кезеңінде жолдама алған 12 оқырман қатысты.

Байқауға арнайы шақырылған қонақтар – Жамбыл облысы әкімдігінің мәдениет, архивтер және құжаттама басқармасының бас маманы - Құттыбаева Жадыра Нұржанқызы, балалар жазушысы, журналист - Көсемәлі Сәттібайұлы, сатирик-ақын және балалар ақыны, бірнеше кітаптың авторы, Жамбыл радиосының жетекшісі - Әлімқұл Бақытжан Советұлы, журналист, сан қырлы журналистиканың қазанында қайнаған, теле жүргізуші, көп деген әндердің авторы - Ғайни Әлімбекқызы, 2017 жылы өткен Е.Елубаев оқуларының жеңімпазы, Оңтүстік Қазақстан Мемлекеттік педагогикалық университетінің филология факультетінің білімгері – Нұрлан Нұргерім Мақсұтұлы, Д.А.Қонаев атындағы облыстық балалар мен жасөспірімдер кітапханасының директоры Инкарбекова Гульфайруз Капаровна төрелік етті. Сонымен қатар осынау игі шараның соңғы кезеңінде 4 жылда өткізілген байқаулардың жеңімпаздары қонақта.

Қатысушылар «Мен – талантты оқырманмын» сайыскер өзін-өзі таныстыру, «Портрет галереясы» портреттегі ақын-жазушыларды табу, балалар жазушысы С. Әлімқұловтың шығармаларынан өлеңдерін немесе сахналық қойылым қою, «Әдеби бәйге» ақынның өмірі мен шығармашылығына қатысты сұрақтарға жауап беру кезеңдерден бақ сынады.

Облыстық байқауға мектеп олимпиадаларын және мектептен тыс іс-шараларды өткізетін облыстық орталығы мен «Қарақат» мектеп студиясының балалары домбыра, ән мен би өнерлерін көрсетті.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/?start=312#sigProGalleria6cd951a2f8

Comments

"Кітапханашы - мәртебелі мамандық"

24 қазан - Кітапханашылар күніне орай , Д.А.Қонаев атындағы Жамбыл облыстық балалар мен жасөспірімдер кітапханасының "Негізгі қорды сақтау" бөлімінің меңгерушісі Мелдеева Мереке Мұхтарқызы "Кітапханашы - мәртебелі мамандық" тақырыбында "JAMBYL" телеарнасында сұхбат берді.

Сұхбат барысында кітапхана туралы мағлұмат беріліп, өткізіліп жатқан ауқымды іс-шараларға тоқталды.

Кітапханашымен бірге тұрақты оқырманымыз И.Панфилов атындағы #39 мектеп -гимназияның 7 "Б" сынып оқушысы Ғаниқызы Аружан кітапханадағы қатысатын іс-шаралары мен үйірмелері туралы және соңғы оқыған қызықты кітаптары жайлы айтты.

Сұхбат соңында телеарна жүргізушілері кітапханашыларға зор денсаулық, шығармашылық табыс тіледі.

Кликните, чтобы открыть изображение!

Кликните, чтобы открыть изображение! Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/?start=312#sigProGalleriaf9a0e96d90

Comments

«Менің Қазақстаным – менің Отаным» ақпараттық сағат

Жастарды патриоттық рухқа тәрбиелеу, еліміздің және егемендігіміздің тарихын насихаттау мақсатында «Менің Қазақстаным – менің Отаным» ақпараттық сағаты өткізілді.

Іс-шара барысында оқырмандарға Республика күнінің шығу тарихы, ең алғаш мемлекеттік мереке ретінде жариялануы, кейіннен мемлекеттік мерекелер тізімінен алынып тасталғандығы, сонымен қатар, биылғы жылдың 16 шілдесінде Президент Қ.Ж.Тоқаевтың Республика күніне ұлттық мереке мәртебесін қайтару туралы ұсынысы және 2022 жылдың 29 қыркүйегінде Республика күнін ұлттық мереке ретінде қайта тойлау туралы заңның күшіне енгендігі жайлы ақпараттар берілді.

Кітапханашылар тарапынан іс-шара барысында берілген ақпараттар бойынша оқырмандарға сұрақтар қойылды. Оқырмандар сұрақтарға белсене ат салысып, толыққанды жауап берді.

Аталған шара қатысушылардың Қазақстан Республикасының Мемлекеттік Әнұранын орындауымен аяқталды.