балалар мен жасөспірімдер кітапханасы

4 маусым – Қазақстан Республикасының Мемлекеттік рәміздер куні. Осыған орай № 33 мектептің жазғы лагерьдің 3-4 сынып оқушыларымен патриоттық кеш өткізілді. Кештін мақсаты: оқырмандарға аса маңызды мемлекеттік белгілер - рәміздер жөніндегі білімдерін жан-жақты сарапқа салу, оларға мемлекеттік белгілердің аса маңызды екенін ұғындыру, оны ерекше құрметтеп, мақтан тұту керектігін ашып көрсету. Отаншылдық, ұлтжандылыққа, өз елін, тегін, тілін, тарихын сүюге тәрбиелеу. 

Іс-шара Қазақстан Республикасының Мемлекеттік әңұранымен басталды. Кеш барысында оқырмандарға кітапханашы рәміздер тарихы жайлы қысқаша мәлімет берді. Қазақстан Республикасының мемлекеттік рәміздерімен таныстыра келіп, олардың авторлары туралы, Ту мен Елтаңбадағы әрбір бейненің мәні туралы балаларға кеңінен әңгімеледі. Елін, жерін сүйген әрбір азамат мемлекетінің әнұранын жатқа біліп, туы мен елтаңбасында не бейнеленгендігін, ондағы белгілердің мәні мен мазмұнын жақсы білулері тиіс. Ту, елтаңба, әнұран ата-бабаларымыз армандап кеткен тәуелсіздігіміздің басты белгілері. Балаларға ұлттық рәміздерімізге байланысты сұрақтар қойылды.

Шара соңында кітапханашы қойылған әдебиеттерге шолу жасады.