детско - юношеская библиотека

    Жамбыл облыстық балалар мен жасөспірімдер кітапханасының мерзімді басылымдар секторының кітапханашысы А. Дүйсенованың ұйымдастыруымен оқушыларды зиянды әдеттерден бойын аулақ ұстауға, салауатты өмір салтын сақтауға, темекі шегудің денсаулыққа қауіпті екендігі туралы мағлұмат беріп, ойларын ашық айтуға үйрету, шығармашылық белсенділіктерін дамыту мақсатында «Мейірім» мектеп-интернатының 10-сынып оқушыларының қатысуымен «Темекі тартқаның, өзіңді құртқаның» тақырыбында салауаттылық сағаты өткізілді.

    Кітапханашы 7-сәуір Денсаулық күніне орай «Мейірім» мектеп интернатының 10-сынып оқушыларына темекінің алғаш емдік қасиеті бар деп пайдаланғанын, уақыт өте келе кең тараған зиянды әдет екенін, дүние жүзілік денсаулық сақтау ұйымының мәліметі бойынша темекі тарту зардабынан жыл сайын 5 миллион адам қайтыс болатыны туралы айтты. Сондай-ақ темекінің құрамында улы никотиннің көп екендігі, адам бір түйір темекі тартқанда өмірінің 15 минутқа қысқаратындығы, темекінің еш пайдасы жоқ екенін айта келіп, жастарды салауатты өмір салтын қалыптастыруға бос уақыттарын тиімді пайдалану жолында спортпен шұғылдануға, жаманнан жиреніп, жақсыны үйренуге шақырды.