балалар мен жасөспірімдер кітапханасы

Жамбыл облыстық балалар мен жасөспірімдер кітапханасының «Заң және жасөспірім» кітапханалық бағдарламасы аясында мерзімді басылымдар секторының ұйымдастыруымен  №33 орта мектебінің 5-сынып оқушыларының ата-аналарымен, сондай-ақ мектеп ұстаздарымен «Отбасы тәрбие бастауы» тақырыбынды дөңгелек үстел ұйымдастырылды.

Бала тәрбиесі-мәңгілік мәселе, әрі қиын үрдіс екенін алға тарта отырып,  бала – өміріңіздің жалғасы, ертеңіміз, жарқын болашағымыз, ел мен жердің иесі деп, тәрбиелеу бір сөзбен ғана емес, немесе айтқанын істеу арқылы емес, жанұя мүшелерінің өзара сыйластығы, тума – туысқан, көрші – қолаңмен түсіністік сыйластықта болуы, сөйлеу мәнерінің мәнді болуы. Әрине, соңғы уақытта жұмыс басты ата-аналар аз емес. Көптеген ата – аналар жеткіншек ұрпақтың тәрбиесімен жүйелі айналысудың орнына тиіп – қашып, барлық жүкті мектепке итере салады. Ал мектептен келген баланың күн ұзақ далада жүріп, көше бойының тәрбиесінде, әртүрлі ортада болатынын, жаңа достарының көмегінің нәтижесінде сорақы әдістерін қолымен жасайтыны жасырын емес.Біздің басты мақсатымыз осындай жағдайларды болдырмау.   

Отанымыздың өркені дұрыс жайылуға тиісті. Тәрбиенің бастамасын бала жан ұядан алады. Отбасы әрбір бала үшін алтын бесік, сондықтан әрбір отбасы тәрбие тірегін осалдатпағаны абзал. Құрметті ата – ана, ұстаздар қауымы ұрпақ тәрбиесіне сергек қарау, серпінді тәрбие беру кезек күттірмес күн талабы деп «Отбасы-қоғамның іргетасы» атты кітап көрмесіне шолу жасалды.