балалар мен жасөспірімдер кітапханасы

2014 жылдың 16 шілдеде Б.Момышұлы атындағы «Жеңіс» саябағында Жамбыл облыстық балалар мен жасөспірімдер кітапханасының ұйымдастыруымен өткізілген «Оқимыз демаламыз» библио-десант атты іс-шара өткізілді. Іс-шараға Тараз қаласының тұрғындары мен қонақтары және кішкентай бүлдіршіндер кітапханамыздың болашақ оқырмандары, мүгедек балалар, көп балалы отбасындағы балалар ынта жігерлерімен белсене қатысты.

Балалар мен жасөспірімдердің, ата-аналардың танымдық қажеттіліктерін қанағаттандырып, бос уақыттарын қызықты да пайдалы өткізу, кітапқа деген қызығушылықтарын арттыру. Іс-шара әлеуметтік мекеменің есебінде тұрған кемтар, мүгедек балалар, көп балалы отбасындағы балалар шақырылды және жалпы саябақта демалып жүрген балалар қатысты. Кең көлемді, көркемсуретті кітаптар көрмесі ұйымдастырылды «Балаларға базарлық», «Ғажайыптар әлемі», «Ертегілер елінде» атты кітап көрмелері қойылды, бүлдіршін оқырмандарымызға арналған, ертегілер еліне саяхат шегетін 3Д пішінді кітаптар мен дыбыстандырылған әуенді кітаптары насихатталды. Сонымен қатар балалар ой-өрісін дамытатын түрлі тақырыптар бойынша викториналық сұрақтар мен ойындар және де ертегі әлемінің кейіпкерлерімен кездесті. Іс-шараға ерекше ынтамен қатысқан жас оқырмандар сыйлықтармен марапатталып, тәтті коньфеттер мен балмұздақтар таратылды.