балалар мен жасөспірімдер кітапханасы

Бар ізгілік бір өзіңнен басталады

8-наурыз Халықаралық әйелдер күні!

Оқушыларды мейірімділікке, ұстамдылыққа тәрбиелеу, ұстазға ата-анаға деген құрмет сыйын арттыру, ана еңбегін қадірлей білуге үйрету  мақсатында №13 орта мектебінің 5-сынып оқушыларының қатысуымен «Бар ізгілік бір өзіңнен басталады» тақырыбында мерекелік кеш ұйымдастырылды.

1908 жылдың  8 – наурызында өздерінің ауыр жағдайына төзе алмаған Нью-Йорктың еңбекші әйелдері демонстрацияға шыққаны, осы оқиғаны есте қалдыру үшін 1910 жылы Копенгагенде өткен әйелдердің 2-ші Халықаралық конференциясы 8-наурыз-Әйелдер күні деп белгіленгені  жайлы, содан бері аналарды, әжелерді, қыздарды әр уақытта ардақ тұтып,құрметтеуіміз керек екендігі айтылды.

Адамның әдептілігі мен жан дүниесінің сұлулығы, ең алдымен балаға ақ сүтін беріп, әлпештеп өсірген ана жүрегінің жылуынан басталатындығы, бойымыздағы ең жақсы қасиеттер бізге алдымен анадан тарайтындығы, Ананың нәзік үні, жұмсақ та аялы алақаны, жан жылуымен аялауы, бізі әлдилеп жұбатады, көңілімізді сергітеді дей келе, 7 сыныбының ұлдары өздерінің бар ізгі тілектерін сынып қыздарына арнады. Өлең-тақпақтар айтылып кеш соңында аналарымызға айтылған даналық сөздер айтылып, мақал-жауап атты ойын ойналды.