балалар мен жасөспірімдер кітапханасы

Қазақ әдебиетін насихаттау, қоғамның кітап оқуға деген қызығушылығын арттыру, өскелең ұрпақтың зияткерлік-рухани дамуы мен ана тіліне деген құрметін көтеру мақсатында «Бір ел – бір кітап — 2025» республикалық акция аясында проза жанры бойынша ұлтымыздың көрнекті жазушысы, ақын, сыншы, аудармашы, суреткер Тәкен Әлімқұловтың шығармалары, ал поэзия жанры бойынша мемлекеттік сыйлықтың иегері, көрнекті ақын, биыл 90 жылдық мерейтойы өткен Жұмекен Нәжімеденовтың шығармалары таңдалды.

2025 жыл бойы ел болып оқуға таңдалған екі автордың шығармаларын насихаттау бойынша Керімбай атындағы №12 мектеп – гимназиясында «Жыл кітабын бірге оқиық!» библиокруиз флешбук ұйымдастырылды.

Оқырмандарға Т.Әлімқұловтың «Жол» атты тұңғыш өлеңдер жинағы (1950), «Жазғы жаңбыр» (1964), «Пейсер» («Боз жорға», 1969), «Қаратау өрнектері» (1980), «Құпия әуен» (1984), «Туған ауылда» (1968), «Қоңыр өзен» (1971), «Боз сұңқар» (1972) әңгімелерімен «Ақ боз ат» (1962), «Аттардың тағдыры» (1975) романдары таныстырылды.

Жұмекен Сабырұлы Нәжімеденовтың проза жанрында «Ақ шағыл», «Кішкентай», «Даңқ пен Дағпырт» романдарымен ақынның әңгімелері мен повестері, хикаялары мен сын мақалалары, сонымен қатар, 2005 жылы ақынның сөзіне жазылған әндер топтастырылған «Жұмекен — Менің Қазақстаным» деген әндер жинағына шолу жасалды.