«Нашақорлық – шын қорлық» (электронды темекінің зардабы) дәрігерден кеңес

Д.А.Қонаев атындағы облыстық кітапханасының ұйымдастыруымен Төле би атындағы №8 гимназиясының мәжіліс залында 8-9 сынып оқушыларының қатысуымен Жамбыл облыстық психикалық денсаулық орталығының дәрігер-наркологы Керимкулова Рабиға Серікқызымен «Нашақорлық – шын қорлық» кездесу өтті.

Электронды темекінің зияны, темекі қазіргі таңдағы адамзаттың басты проблемасы екенін, оның зиянды жақтарын түсіндіру, ғасыр дертіне айналып отырған кеселдердің залалын жан-жақты меңгерту, зиянды заттардан барынша аулақ болуды насихаттайтын бейне ролик жас оқырмандар назарына ұсынылды.

Кездесу барысында оқушылар өздерін толғандырып жүрген сұрақтарды анонимді түрде ақ парақтарға жазбаша түрде қойды. Дәрігер балалардың барлық сауалдарына толық жауап беріп, салауатты өмір салтын ұстануға шақырды.