«Желтоқсан-Тәуелсіздік ұлы рухы» ерлік сағаты

Оқырмандарды Отанын қастерлеуге, өз елінің патриоты болуға баулу мақсатында «Желтоқсан – Тәуелсіздік ұлы рухы» ерлік сағаты өткізілді.

Әнұранмен бастау алатын шарада «Тәуелсіздік дегенді қалай түсінесіңдер?», «Тәуелсіздік мерекесі қай күн?», «Желтоқсан батырларын білесің бе?» деген сұрақтарды қою арқылы бүлдіршіндердің пікірі тыңдалып, Желтоқсан оқиғасы туралы мәлімет берілді.

Желтоқсан батырларының ерліктері, қайсарлықтары туралы айтылып, «Желтоқсан құрбандарын» еске алу арқылы қойылым көрсетілді, ерлік сағаты соңында оқырмандар 1 минуттық үнсіздікпен Тәуелсіздік құрбандарын еске алды.

Оқырмандар арнайы сыйлықтармен және алғыс хаттармен марапатталып, шара соңында «Желтоқсан оқиғасы – ұлт рухының биік белесі» атты кітап көрмесіне библиографиялық шолу жасалды.