«Кітап – алтын қазына» Библиография күні

Оқырмандарға кітапханалық-библиографиялық білімді насихаттау мақсатында «Кітап – алтын қазына» тақырыбында библиография күні өткізілді.

Іс-шараның «Библиография – құпиялар әлемі» атты бірінші бөлімінде оқырмандар библиография ғылымы туралы көптеген мәліметтер алып, кітапхананың анықтамалық-библиографиялық аппараттарымен (алфавиттік каталог, жүйелі каталог, мақалалардың жүйелі картотекасы, өлкетану картотекасы) танысып, шара барысында берілген мәліметтер бойынша ойындар ойнап, сұрақтарға жауап берді.

Ал, «Библиография әлеміне саяхат» атты екінші бөлімде оқырмандар кітапхананың ақпараттық-библиографиялық секторына саяхат жасап, ондағы кітап қорымен (энциклопедиялар, анықтамалықтарлықтар, сөздіктер) танысты. Кітапхананың каталогтары және картотекаларын пайдалануды, кітапханашының көмегінсіз өз беттерінше жұмыс жасауды үйренді.

Сонымен қатар, оқырмандарға «Web-Rabis» бағдарламасына мерзімді басылымдар (газет-журналдар) мақалаларын енгізу жолдары көрсетілді.