балалар мен жасөспірімдер кітапханасы

Көсемәлі Сәттібайұлының 60 жасқа толуына орай

«Көркем сөздің көсемі» кездесу кеші

 

Д.А. Қонаев атындағы Жамбыл облыстық балалар мен жасөспірімдер кітапханасында Жамбыл облысының көрнекті жазушысы, журналист Көсемәлі Сәттібайұлының 60 жасқа толуына орай Д.А.Қонаев атындағы Жамбыл  облыстық балалар мен жасөспірімдер кітапханасында  «Көркем сөздің көсемі» атты  кездесу кеші өткізілді.

 

         Кешке мерейтой иесі жазушы, журналист, Қазақстан жазушылар одағының  мүшесі, «Ақ жол» газетінің  бас редакторы  Көсемәлі Сәттібайұлы; филология ғылымдарының докторы,  профессор Сәмен Құлбарақ; Қазақстанның еңбек сінірген қайраткері, ақын Асанов Қайырбек; журналист, ақын Есет Досалы;  және №8 мектеп гимназиясының ұстаздары мен оқушылары қатысты.

         Кездесу барысында жүргізуші оқырмандарға жазушының өмірі мен шығармашылығы  туралы толғана айтып, оқырмандарды да тартып отырды. Оқырмандар өз тараптарынан Көсемәлі  Сәттібайұлына қызықтырған сұрақтарын қойды. Қаламгер балалық шағында өткен қызықты әңгімелерін айтып, оқырмандарды  туған тілін, әдет-ғұрпын сақтауға, адами қасиеттерді құрметтеуге, ізгілікке дәріптеді.

«Көркем сөздің көсемі» атты кітап көрмесі жасақталып, жазушының «Шың мен Шынар»,«Шарбақтының жалғызы»,« Менің елім», «Күнге ғашық  өлкеде» «Аран» ,«Хауа Ананың көз жасы» кітаптары мен мерзімді басылымдар беттеріне шыққан мақалаларға  шолу жасалды.

joomlamodniyportal.ru