балалар мен жасөспірімдер кітапханасы

Д.А.Қонаев атындағы Жамбыл облыстық балалар мен жасөспірімдер кітапханасының қызметкерлері «Біз біргеміз бәріміз» жобасының аясында мүмкіндігі шектеулі балалардың әлеуметтік ортаға бейімделуіне көмек беріп, жаңа оқулықтармен таныстырды

Аталмыш жоба бірнеше жылдан бері тұрақты түрде іске асырылып келеді. Биыл да 1 маусым – Халықаралық балаларды қорғау күнінен бастау алған игі шара «Бала деген бір бақыт» тақырыбында өз жалғасын тапты. Шара аясында кітапханашылар мұқтаж жандардың үйлеріне барып, тұлға болып қалыптасуына ықпал етуге септігін тигізетін сыйлықтар таратты.

Кездесу барысында кітапхана қызметкерлері мүмкіндіктері шектеулі оқырмандармен бірге ән салып, көңілдерін көтерді.  Сондай- ақ балаларға жас ерекшелігіне қарай «Төрт түлік», «Ертегім менің, ертегім», «Ертегілер әлемінде», «Менің сүйікті ертегілерім», «Күл қыз», «Арыстан мен патша», «Әжемнің ертегілері», «Әріптермен танысу», «Өнегелі ертегілер» т.б. жаңа кітаптар ұсынылды. Мекеме басшысы Г.Инкарбекованың айтуынша, бұл жоба бүгінгі күні мүмкіндігі шектеулі жандардың ортаға бейімделіп, жаңа дүниелермен танысуларына, сол арқылы өздерін дамытуларына айтарлықтай көмек беріп отыр.

Кітапхана мамандары бұл бағыттағы жұмысты жыл соңына дейін жүргізуді жоспарлауда.

joomlamodniyportal.ru

Comments

«Отты жылдар куәгері»

онлайн кездесу кеші

 

Ұлы Жеңістің 75 жылдық мерекесіне байланысты Ұлы Отан соғысы жылдарында аянбай ерлік көрсеткен жерлес батыр бабаларымыздың есімін құрметтеу, адамгершілікке, Отанын сүюге, оны қорғауға баулу мақсатында «Отты жылдар куәгері» тақырыбында жерлесіміз, қаламгер, Ұлы Отан соғысының ардагері, майдангер журналист, ақын Мүтәліп Ережепбаевпен онлайн кездесу кеші өткізілді. Кездесу барысында ардагерді 95 жасқа толуымен құттықтап, өзіне шапан, жұбайына ақ жаулық және сыйапаттар тартылды. Ардагер екінші дүниежүзілік соғысқа аттанып, шайқасқан жерлері, алған жарақаттары мен соғыс туралы естеліктермен бөлісті.

 

joomlamodniyportal.ru

Comments

Мемлекеттік тілдің мәдениетін көтеру, әдебиетті насихаттау, өз елін, жерін, Отанын, туған халқының тілі мен салт-дәстүрін қастерлейтін саналы да парасатты азамат  тәрбиелеу мақсатында Халықаралық Ана тілі күніне орай Ы.Алтынсарин атындағы №49 мектеп-гимназиясының 8-сынып оқушыларының қатысуымен «Туған тіл – тұғырым» викториналық кеш өткізілді.

Шара барысында кітапханашы оқушылармен әңгіме жүргізіп, мемлекеттік тілді білудің маңыздылығы туралы түсінік беріп өтті. Оқырмандар екі топқа бөлініп, осы мерекеге байланысты 6 бөлімнен тұратын пікірталас сайысы өткізілді. Алдын ала берілген тапсырмалар бойынша қатысушылар өз шығармашылықтарынан эссе, өлеңдер оқып, әр түрлі сұрақтарға жауап берді.

Шара соңында «Тіл – әр халықтың байлығы» атты кітап көрмесіне библиографиялық шолу жасалып, оқырмандар Д.А.Қонаев атындағы халықаралық қордың Жамбыл облыстық бөлімшесіне экскурсия жасады.

joomlamodniyportal.ru

Comments