детско - юношеская библиотека

Жасөспірімдерге патриоттық рухта тәрбие беру мақсатында 7 мамыр – Отан қорғаушылар күніне орай «Ел ертеңі – бүгінгі жас ұландар» атты сұрақ-жауап көрмесі ұсынылды.

Көрмеге «Айбын» энциклопедиясы, А.Тасболатов пен Қ.Аманжоловтың «Қазақстанның әскери тарихы» және басқа да Қазақстан қарулы күштерінің тарихы және қазіргі жағдайы тақырыбын ашқан кітаптары мен мерзімді басылым беттерінде жарық қөрген мақалалар қойылды.

Ұсынылған кітаптардан оқырмандар әскерге шақырту ережелері мен азаматтардың міндеттеріне қатысты сұрақтарына жауап алды.

joomlamodniyportal.ru

Comments

Өскелең ұрпақты елін, жерін, Отанын қорғауға, оны сүюге тәрбиелеу, ұлтжандылыққа баулу, туған жерін қорғау жолында құрбан болған ерлеріміздің ерен ерліктерін насихаттау мақсатында «Ұлы жеңіске тағзым» атты патриоттық кеш өткізілді.

Кеш барысында Ұлы Отан соғысының басталуы туралы бейнеролик көрсетіліп, соғыстың басталуы, сұрапыл соғысқа елімізден аттанған азаматтар, соғыс ардагерлері жайлы көптеген ақпарат берілді.

Бейбіт өмірге жете алмаған, ерлікпен қаза тапқан ағаларымыз бен апаларымыздың рухына бас иіп, Жеңіс туын желбіретуде қан кешіп, кеудесін оққа тосқан боздақтарымыз бір сәт үнсіздікпен еске алынды.

Іс-шарада С.Нұрмағамбетов атындағы №10 орта мектептің 5 сынып оқушылары майдангерлер туралы өлең шумақтарын оқып, Мәншүк Мәметованың монологін оқыды.

"Тамаша" өнер дамыту орталығының оқушылары «Отан», «Халқым-ай» сынды патриоттық әндерді шырқаса, №35 «Ер Төстік» бөбекжай бақшасының бүлдіршіндері «Қазақстан» әнін орындады.

Кеш соңында «Ұлы Жеңіс – ұрпаққа аманат» кітап көрмесіне библиографиялық шолу жасалды.

joomlamodniyportal.ru

Comments

Оқырмандарға сөз өнері мен саз өнерінен қонған қасиетті қатар ұстап, қылқаламын жанына серік еткен біртуар тұлға, оның «Еділ мен Жайығы» жүректерде сақталып, «Жайлаукөл кештері» көптің көңілінде қалғанын, «Асылым» мен «Әселім» атты әндері - әуезі бөлек, тарихы ерек дүниелер екенін, бұдан бөлек 200 әннің сазын жазған, әдебиетте қолтаңбасы қалған Илья Жақановтың өмірі және шығармашылығымен таныстыру мақсатында №62 орта мектептің 5-6 сынып оқырмандарының қатысуымен Ілия Жақановтың туған күніне орай «Дарынды композитордың дара жолы» караоке кеші өткізілді.

Іс-шара барысында оқырмандар Ілия Жақановтың өмірі және шығармашылығымен танысып, әндері орындалып, «Қазақ өнерінің жанашыры» кітап көрмесі оқырмандар назарына ұсынылды.

joomlamodniyportal.ru

Comments