балалар мен жасөспірімдер кітапханасы

Оқырмандарға мамандық таңдау бойынша бағыт-бағдар беру, мамандық таңдауда жауапкершілікті қалыптастыру мақсатында «Барлығы армандаудан басталады» тақырыбында мамандар күні өткізілді.

Іс-шараға Шерхан Мұртаза атындағы руханият және тарихтану орталығының директоры, археолог ғалым – Қалиев Сауран Қалиұлы, «Air Astana» әуе тасымалдаушы компаниясының қызметкері, бортсерік – Амангелдиева Аружан, «Jambyl» телеарнасының редакторы, тележүргізуші, диктор – Дәкен Шерхан Мұратбекұлы қатысты.

Шара барысында қонақтар өздерінің мамандықтары, аталған мамандықты таңдау себептері, оның қызығы мен қиыншылығы, қоғамға тигізер пайдасы туралы ақпарат беріп, оқырмандар тарапынан қойылған сұрақтарға жауап берді.

«Мамандық таңдау – болашақ таңдауы» кітап көрмесіне библиографиялық шолу жасалды.

joomlamodniyportal.ru

Comments

«Болашаққа жоспар - жаңа оқу орнымен!» жобасы аясында мектеп түлектерді еліміздегі беделді оқу орындармен таныстырып, оларға болашақ мамандық таңдауда көмектесу, мамандық әлемі және оның ерекшеліктері туралы дүниетанымын кеңейту мақсатында Д.А.Қонаев атындағы облыстық балалар мен жасөспірімдер кітапханасында 13-16 мамыр 2024 жылы аралығында колледждер апталығы ұйымдастырылды.

Төле би атындағы №8 гимназия, М.Горький атындағы №13, Шерхан Мұртаза атындағы №30 және №15 мектеп-гимназиялардың 9 сынып мектеп түлектеріне қаламыздағы беделді Жамбыл медициналық жоғары колледж, Абай атындағы Жамбыл гуманитарлық жоғары колледж, Жамбыл политехникалық жоғары колледж және «Аспара» мәнерлік өнер және бизнес колледждердің мамандары оқу орындары туралы толық ақпарат берді.

Мамандар бейнебаян арқылы колледждердің құрылу тарихынан бастап, колледждің оқыту деңгейлеріне, тыныс-тіршілігіне, мектеп түлектерінің шығармашылық емтихандарға қатысуға өтініш беру мерзіміне тоқталып өтті. Сондай-ақ, колледждердің жатақханаларына, практикалық жұмыстарға арналған жабдықтануына, гранттар пен стипендия көлемдеріне де мән берді.

Іс-шара соңында «Мамандық таңдау – болашақ таңдауы» кітап көрмесіне шолу жасалып, колледждердің жадынама парақшалары таратылды.

Comments

«Болашаққа жоспар – жаңа оқу орнымен!» жобасы аясында М.Горький атындағы №13 мектеп-гимназиясының 9 сынып оқушылары «Аспара» мәнерлік өнер және бизнес колледждің мамандарымен кездесті.

Колледждің мамандары Әзімханова Аяжан мен Байризова Аяна оқырмандарға колледждің тыныс-тіршілігі бейнеленген роликтерді көрсетіп, оқу орнының құрылу тарихынан бастап, колледждің ұсынатын мамандықтарына тоқталып өтті.

Жылына екі рет әлемдік деңгейде өтетін «Aspara Fashiоn week» сән апталығына колледж білімгерлерінің жұмыстары ұсынылатыны да айтылды.

Кездесу соңында «Мамандық таңдау – болашақ таңдауы» кітап көрмесі таныстырылып, колледждің жадынама парақшалары таратылды.

joomlamodniyportal.ru

Comments