Жамбыл облыстық балалар мен жасөспірімдер кітапханасы

⚜️«Наурыз – құт-береке бастауы» ұлттық салт-дәстүрлерді ұлықтау кеші

Ұлыстың ұлы күні Наурыз мерекесіне орай, облыстық жасөспірімдер үйінің тәрбиеленушілерінің қатысуымен «Наурыз – құт-береке бастауы» ұлттық салт-дәстүрлерді ұлықтау кеші өтті.

Кеш барысында халық әндері шырқалып, «Шабыт» би ансамблінің мың бұралған бишілері «Өрнек», «Қамажай» биін орындады. Ұмыт болып бара жатқан «Саумалдық», «Аунату» дәстүрлері көпшілік назарына ұсынылды.

Ұлттық салт-дәстүрді ұлықтау кешінде бауырсақтың, шоқтағы табада нанның пісірілу барысына қонақтарды тартып, ыстық бауырсақ, таба нан мен наурыз көже таратылды.

Кешті тамашалауға келген қонақтар арасында «Арқан тартыс», «Асық ойнау», «Ләңгі тебу»ұлттық ойыны ойнатылды.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=539&start=36#sigProGalleriab226283481

Comments

"Арқаның ақыиқ ақыны" тарихи сағат

Туған жерін іңкәрлікпен жырға қосқан, даңқы бүтін қазақ даласына асқан Майкөт бабамыздың биыл 200 жылдық мерейтойы.

Майкөт Сандыбайұлының есімін есте қалдыру мақсатында №34 мектептің оқырмандарымен «Арқаның ақиық ақыны» атты тарихи сағат өткізілді.

Жас оқырмандар ақынның өмір жолы, шығармашылығынан мәліметпен қатар ақынның суырыпсалмалық қыры, айтыс өнеріндегі өзіндік өрнегін сала білген жолдарымен танысты.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=539&start=36#sigProGalleriaaf2d3f0e6d

Comments

«Жас қаламгер» клубы 21 наурыз – Дүниежүзілік поэзия күні «Өлең, мен сені аялап өтем!» /Қадыр Мырза Әлінің шығармашылығына арналады/ әдеби поэзия кеші

Д.А.Қонаев атындағы облыстық балалар мен жасөспірімдер кітапханасында оқырмандарға Қадыр Мырза Әлінің шығармашылығын, мәнерлеп оқу дағдыларын қалыптастыру мақсатында 21 наурыз – Дүниежүзілік поэзия күніне орай «Жас қаламгер» клубының ұйымдастыруымен «Өлең, мен сені аялап өтем!» тақырыбында әдеби поэзия кеші өткізілді.

Әдеби поэзия кешінде Қадыр Мырза Әлі туралы бейнебаян көрсетіліп, оқырмандар ақынның «Балдырған» журналында жарияланған өлеңдерін мәнерлеп оқыды.

№62 орта мектебінің музыка пән мұғалімі – Сексенбаев Мейіржан Ш.Қалдаяқовтың «Сыған серенадасы» әнін әуелете шырқаса, «Мерзімді басылымдар» секторының кітапханашысы – Баймбетова Асель «Елі қадірлеген Қадыр» тақырыбындағы кітап көрмесіне шолу жасады.

Оқырмандар ақынның шығармашылығынан өлеңдерді жатқа оқып, «Қадыр Мырза Әлі» сөзіне жасырылған сөзжұмбақты шешті. Кеш Е.Хасанғалиевтың «Атамекен» әнімен аяқталды.

Comments

⚜️«Ұлыстың қадам басқан ұлы күні» этносабақ

Оқырмандарға Наурыз мерекесі, наурыз көже туралы түсінік беру, қазақ халқының салт-дәстүрлері мен ұлттық тағамдарын көрсету, жас ұрпақты салт-дәстүрімізді құрметтей білуге тәрбиелеу мақсатында Ұлыстың Ұлы күні Наурыз мерекесіне орай «Зере» әжелер клубының ұйымдастыруымен «Ұлыстың қадам басқан ұлы күні» этносабақ өткізілді.

Этносабаққа «Зере» әжелер клубының мүшелері, кітапхана қызметкерлері және ұлттық құндылығымызды насихаттап жүрген қымыз өндіруші, «Халал әсіп» отбасылық кәсібімен айналысатын кәсіпкер – Базаркүл Қабылханова қатысты. Базаркүл Дыбысәліқызы сұрақтарға жауап беріп, отбасылық кәсіптері жайлы айтты.

Іс-шара барысында наурыз мерекесі, «Наурыз көже», ұлттық тағамдар, сонымен қатар, қазақтың салт-дәстүрлері туралы көптеген ақпарат берілді. Сондай-ақ, «Бесікке салу», «Қыз ұзату» салт-дәстүрлері көрсетіліп, әжелер ауылдың алты ауызын орындады.

«Наурыз – құт-береке бастауы» кітап көрмесіне библиографиялық шолу жасалды.