балалар мен жасөспірімдер кітапханасы

Қазақстан Республикасының Тәуелсіздігінің 30 жылдығы аясында жергілікті жас ақындарды кейінгі ұрпаққа насихаттай отырып, олардың өмір жолын, еңбегі мен шығармашылығын халыққа кеңінен таныстыру, Тәуелсіз Қазақстанның әлемдік өркениет пен мәдениет биігінде алар орнын жырға қосу, Ұлттың ұлы мұраты – Тәуелсіздік пен мемлекеттіліктің, сондай-ақ рухани құндылықтарды жаңғыртудың маңыздылығын көпшіліктің, жас ұрпақтың санасына сіңіру арқылы оларды Отансүйгіштікке, елжандылыққа бағыттау, шығармашыл жастардың өнеріне қолдау көрсете отырып, мемлекеттік тілдің қолданыс аясын кеңейту, өлең құдыреті арқылы қазақ тілінің мәртебесін көтеру және жас буынды ұлттық мәдени құндылықтар рухы мен ұлтжандылыққа тәрбиелеу мақсатында «Тәуелсіздік деп жырлайды жүрегім» жас ақындар мүшәйрасы өткізілді.

⠀

Жас ақындарымыздың жырларын әділ бағалауға Қазақстан Республикасы журналистер одағының мүшесі, ақын, жазушы Демешев Құрмаңғазы және жас ақын, тілші Әбдір Шапағат төрелік етті.

⠀

Жыр мүшәйрасы үш кезеңнен өтті: 1 – кезең. «Өзге емес, өзім айтам өз жайымда» (өзін - өзі таныстыру) 2-кезең. «Өлең – сөздің патшасы, сөз сарасы» (ұяшық таңдау, экранда берілген сөзге 3 минут ішінде бір шумақ өлең шығару) 3-кезең.«Тәуелсіздік – азаттығым, бақ күнім!» (шешендік өнерлерін қара сөзбен айтып көрсету) және Қазақстанымыздың нығайып, әрқашанда берік болуы үшін не істеуіміз керек? - деген сұраққа өз ойларын білдірді.

⠀ Мүшәйраның қорытындысы бойынша әділ қазылардың шешімімен «Үздік ақын» номинациясын Алдаберген Ерсултан, «Өнерлі ақын» номинациясын Жиенғали Исламали, ал «Белсенді ақын» номинациясын Абдуалиева Айман иеленді. Оларға арнайы дипломдар мен сыйлықтар табысталып, қалған қатысушылар Тұрғынбекқызы Жания мен Айтбай Аяжанға белсенділіктері үшін ынталандыру сыйлықтары берілді.

Іс-шара соңында «Тәуелсіздік тұғыры – ұлы дала арманы» көрмесіне библиографиялық шолу жасалып, слайд көрсетілді.

joomlamodniyportal.ru

Comments

Тәуелсіздік – еліміздің баға жетпес байлығы. Тәуелсіз – әлемдегі ең құдіретті сөз. Ел еркіндігі. Қазақстан тәуелсіздіктің бесігінде тербеліп жатқанына 30 жыл. Осы уақыт аралығында Қазақстан әлемде жеке дара дербез ел екенін дәлелдей білді. Өзінің белгіленген шекарасы, діні мен тілі, мемлекеттік рәміздері мен ұлттық құндылықтары, мәдениеті мен салт-дәстүрі бар тәуелсіз зайырлы елге айналды. Осы мақсатта кітапханамызда №13 бөбекжай балабақшасының қатысуымен «Тәуелсіз елдің ертеңі» тақырыбында іс – шара ұйымдастырылды.

Іс – шараны ҚР-ның әнұранымен бастап, кітапханашылар кішкентай бүлдіршіндерге ел тәуелсіздігі жайында бейнебаян көрсетіп, жан-жақты мағлұмат бере кетті. Ал кішкентай бүлдіршіндеріміз тәуелсіздікке арналған тақпақтарын, өлең жолдарын айтып, әсем әуендерін тарту етіп, өз өнерлерін көрсетті. Іс – шара соңында балаларға кітап көрмесі таныстырылып, оқырмандар жақсы көңіл – күймен тарқасты.

joomlamodniyportal.ru

Comments

Жамбыл политехникалық жоғары колледжінің білімгерлеріне кітапханалық экскурсия жасалды. Аса көрнекті мемлекет және қоғам қайраткері, үш мәрте Социалистік Еңбек Ері, Қазақ КСР Ғылым академиясының академигі, техника ғылымдарының докторы - Дінмұхамед Қонаевқа арналған "Ғасырдың дара перзенті" тақырыбындағы көрмемен таныстырылды. Кітап көрмесімен таныса отырып білімгерлер Қонаевқа арналған өлеңдерін оқып, ой-пікірлерімен бөлісті. Сонымен қатар Тәуелсіздіктің 30 жылдығына "Тәуелсіздік тұғыры - Ұлы дала арманы" кітап көрмесіне шолу жасалды. Экскурсияға келген балалр абонемент және оқу залы бөлімімен танысып, кітапханаға тіркелді.

joomlamodniyportal.ru

Comments