Жамбыл облыстық балалар мен жасөспірімдер кітапханасы

Ұлт тарихындағы жарқын тұлға - Тұрар Рысқұлов тарихи дүрбі

Халқының мақтан тұтар тұлғаларының өмірі мен ерлігін, қайраткерлігін дәріптеп насихаттауға, тарих парақтарынан тағылым алуға үйрету мақсатында, қоғам қайраткері Тұрар Рысқұловтың туғанына – 130 жыл толуына орай, Ы.Алтынсарин атындағы №49 орта мектептің 7 сынып оқушыларымен «Ұлт тарихындағы жарқын тұлға» тарихи дүрбі өтті.

Оқырмандарға Т.Рысқұлов туралы толық ақпарат беріліп, ақын-жазушылардың жазған шығармалары насихатталды.

М.Әуезовтің «Қараш-қараш» оқиғасындағы Рысқұл бейнесі мен Ш.Мұртазаның «Қызыл жебе» шығармасындағы Тұрар бейнесі салыстырмалы түрде түсіндірілді.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=537&start=252#sigProGalleria9f2788a57c

Comments

⚜️ІІ Республикалық «Шәкәрім оқулары» байқауының облыстық кезеңі

Д.А.Қонаев атындағы облыстық балалар мен жасөспірімдер кітапханасында ІІ Республикалық «Шәкәрім оқулары» байқауына үміткерлер облыстық деңгейде бақтарын сынады.

Байқаудың негізгі мақсаты – атадан балаға мирас болған байлығымыз, қазынамыз туған тілге, көркем әдебиетке, оның ішінде поэзияға деген жас ұрпақтың құштарлығын арттырып, шығармашылық қабілеттерін ұштап, жетілдіру.

Байқауға іріктеуден өткен 9 үміткер додаға түсіп, қатысушылар ережеге сай дайындықпен келгендіктерін көрсетіп, аталған шарада белсене қатысып отырды.

Шараны тамашалауға орта және жалпы білім беру орындарынан 30-ға жуық жас оқырмандар, жетекшілер қатысты. Байқау қорытындысы бойынша IIIорынды Меркі ауданының балалар кітапханасының жас оқырманы Жаңғабай Фариза және Байзақ ауданынан Ғайпбай Мөлдір иеленсе, II орын Талас ауданы Мұхтар Гаухарға, I орын Жамбыл ауданының жас оқырманы Жамалбек Мерейге берілді.

Ал, Астана қаласында осы жылдың 27 наурызда өтетін ІІ Республикалық «Шәкәрім оқулары» байқауына қатысуға жолдаманы Тараз қаласының Ж.Жабаев атындағы мектеп-гимназиясының 7сынып оқушысы Әлімахамет Әдия алды.

Жеңімпаздар дипломдар және бағалы сыйлықтармен марапатталды.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=537&start=252#sigProGalleriafcb3985ac7

Comments

«Емханадағы рухани терапия» жылжымалы кітапхана

«Отбасылық жедел жәрдем» әлеуметтік жобасы аясында Жамбыл облыстық көпбейінді балалар ауруханасының 4-15 жас аралығындағы ем алушыларына арналған «Емханадағы рухани терапия» жылжымалы кітап көрмесі ұйымдастырылды.

Осыған орай оқырмандарды жаңа кітаптармен таныстырып, жас ерекшеліктеріне байланысты «Қыз Жібек», «Ұлы даланың ұландары», «Ауыл балалары мен қала балалары», «Саяхатшы шыбын: өлеңдер мен ертегілер», «Қарға мен тотықұстың басынан кешкендері», Қ.Шонбайдың «Екінші болма!», Б.Садырдың «Әлем әзіл әңгімелері», М.Әуезовтың «Көксерек» және Б.Майлиннің «Шұғаның белгісі» кітаптары ұсынылды.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=537&start=252#sigProGalleriaa45e0c802e

Comments

«Логопедтік пункт» Логопедиялық жаттығулар

«Отбасылық жедел жәрдем» әлеуметтік жобасы аясында № 13 бөбекжай балабақшасының кішкентай бүлдіршіндерінің қатысуымен «Логопедтік пункт» тақырыбында логопедиялық жаттығулар өткізілді.

Іс-шарада логопедтік жаттығуларды жалпақ тіл ұшының жоғары көтеруін және тілді кесе, ожау тәрізді қалыпта ұстауын үйрету мақсатында оқырмандармен ақыл-ойын, логикалық ойлау жүйесін дамытуды көздей отырып арнайы жаттығулар жүргізілді.

Тіл гимнастикасы қызықты және көңілді өтті. Бет пен ерінге арналған артикуляциялық гимнастика кешені үйретіліп, сөйлеу барысында балалардың дұрыс тыныс алуын дамытуға арналған ойындар ойнатылды. Ұсынылып отырған ойындардың барлығы баланың сөйлеу қабілетін арттырды.