Жамбыл облыстық балалар мен жасөспірімдер кітапханасы

21 ақпан – Халықаралық Ана тілі күніне «Ана тілім мақтанышым-мерейім» даналық сағат

Оқырмандардың ана тіліне деген сүйіспеншілігін арттыру, тіл мәдениетін сақтай білуге үйрету, өз тілдерін құрметтеуге және өзге тілдерді де білуге, туған халқының тілін қастерлейтін саналы да парасатты азамат етіп тәрбиелеу мақсатында 21 ақпан – Халықаралық Ана тілі күніне орай «Ана тілім мақтанышым – мерейім» даналық сағаты өткізілді.

Іс-шара барысында оқырмандарға Халықаралық Ана тілі күні мерекесінің тарихы, Қазақстандағы мемлекеттік тілдің мәртебесі, ана тілі туралы мақал-мәтелдермен ұлт даналарының қанатты сөздері айтылды.

№32 орта мектеп оқырмандары ана тілге қатысты өлеңдер оқып, өз ойларын ортаға салды. Ана тіліміздің мәртебесі биік, мерейі үстем болуы үшін бір адамдай жұмылып, өз байлығымызды асқақтатуға күш салуға шақырды. Сондай-ақ арнайы осы шараға ұйымдастырылған «Ана тілім мақтанышым – мерейім» көрмесімен танысты.

Comments

«Болашаққа жоспар жаңа оқу орнымен» жобасы

Оқырмандарға болашақ мамандыққа байланысты ұғымдарын тереңдетіп, қызығушылықтарын арттыру, мамандық таңдауға кәсіптік бағдар беру мақсатында «Болашаққа жоспар жаңа оқу орнымен» жобасы аясында «SDU University» мекеменің білімгерді қолдау және рекрутинг департаментінің бас маманы Төлбасы Арман оқу орнының құрылу тарихынан бастау алып, университеттің оқыту деңгейлеріне тоқталып өтті.

Талапкерлерге қойылатын талаптар мен міндеттерді түсіндіріп, оқытушылармен алмасу саласында және академиялық байланысты дамыту бойынша шетел ЖОО-мен алмасу практикасының жүргізіліп жатқандығын айтты.

Білім беру қызметтерін ұсынуға арналған жоғары білікті мамандар, дамыған инфрақұрылым және материалдық-техникалық базасы бар таңдаулы оқу орны екендігі айтылды.

Іс-шара соңында оқырмандарға «Мамандық таңдау – болашақты ойлау» кітап көрмесі жасақталып, шолу жасалды және жадынама парақшалары таратылды.

Comments

«Болашаққа жоспар жаңа оқу орнымен» университеттер апталығы

«Болашаққа жоспар жаңа оқу орнымен» жобасы аясында университеттер апталығы Азаматтық авиация академияның онлайн кездесуімен басталды.

Жобаның мақсаты оқырмандарға болашақ мамандыққа байланысты ұғымдарын тереңдетіп, қызығушылықтарын арттыру, жұмыстың мазмұнымен, мағынасымен айрықшаланатын мамандық әлемінң түрлілігі туралы түсінік қалыптастыру, таңдау әдістері туралы білімдерін, түсініктерін кеңейте отырып, мамандық таңдауға кәсіптік бағдар беру.

№12 және №32 мектеп түлектеріне Азаматтық авиация академиясының «Рекрутинг және мансап» орталығының басшысы Бексеитова Гүлмира Көпшеловна авиация саласының тиімді және қауіпсіз жұмыс істеуі үшін ІСАО EASA IATA халықаралық талаптарына сәйкес авиация мамандарын даярлау бойынша Қазақстан мен орталық Азиядағы дәстүрлі көшбасшы болып табылатын бірегей оқу орны екендігін айтып өтті. Академияда білім беру қызметтерін ұсынуға арналған жоғары білікті мамандар, дамыған инфрақұрылым және материалдық-техникалық базасы бар таңдаулы оқу орны екендігіне баса назар аударылды.

Zoom платформасында өткен кездесуде мектептердің болашақ түлектері тікелей эфирде өздеріне қажет барлық мәліметтерді алды.

Іс-шара соңында оқырмандарға мамандық таңдауда кәсіптік бағдар беру мақсатында «Мамандық таңдау – болашақты ойлау» кітап көрмесі жасақталып, шолу жасалды және Азаматтық авиация академиясының жадынама парақшалары таратылды.

Кликните, чтобы увеличить изображение 001.png

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=535&start=288#sigProGalleria9b76afa09d

Comments

«Ауғанның асуында от кешкендер» құрмет кеші

Д.А.Қонаев атындағы облыстық балалар мен жасөспірімдер кітапханасы 15 ақпан – Ауған жерінен Кеңес әскерлерінің шығарылғанына 35 жыл толуына орай жас ұрпақты ерлікке, ұлтжандылыққа, өз елінің патриоты болуға, Ауған соғысы ардагерлерімен кездесу арқылы сол соғыс жайлы мағлұматтар алып, оқырмандардың өрелік қабілеттерін кеңейту мақсатында «Даңқ» залында Жамбыл облыстық интернационалист жауынгерлер қоғамдық бірлестігінің ардагерлеріне «Ауғанның асуында от кешкендер» құрмет кешін ұйымдастырды.

Кешті «Жас Ұлан» ұлттық ұйымның белсенді мүшелері №7 мектеп-гимназиясының «Жарқын жұлдыздар» хор тобы «Атамекен» әнімен ашса, №13 орта мектептің триосы «Отаным» әнін №11 орта мектептің 11 сынып оқушысы Арапбаев Диас «Афганец» әнін орындады. №49, №32 мектеп оқырмандары, Тараз инновациялық көпсалалы колледжінің 1 курс білімгерлері соғыс туралы арнау өлеңдер мен монолог оқыды. №32 орта мектептің 8 сынып оқырмандары «Қанжардан құтқарған қазақ тілі» атты көрініс қойып, сұрапыл соғыстың бейнесін көрсетті.

Кеш қонақтары Отан алдындағы борышын адал атқарған, бұл соғысты өз көздерімен көрген, куә болған Жамбыл облыстық интернационалист жауынгерлер қоғамдық бірлестігінің төрағасы Ізбасаров Керім Махамбетұлы мен оның орынбасары Тортбаев Марат Асылбекұлы Ауған соғысы туралы кең мағлұмат беріп, бастарынан өткізген оқиғаларымен бөлісіп, баяндап берді.

Кітапхана оқырмандары «Журавли» әніне көрініс көрсетіп, «Веснушки» ансамблінің орындауында ұлттық әндерге попурри орындалды.

Сондай-ақ кеш барысында бейнеслайдтар, суреттер көрсетіліп, тақырыпқа арнайы жасақталған «Ауғанның отты жылдары» атты кітап көрмесіне шолу жасалды.