балалар мен жасөспірімдер кітапханасы

Кітап – сарқылмас рухани қазына дей келе, білімнің кітап арқылы берілетінін ұғындыру, кітаптың адам өміріндегі маңызы, ғылым мен білімнің пайдасы жайлы түсіндіру, оқулықты күтіп ұстауға үйрету, кітапқа деген қызығушылықтарын арттыру мақсатында «Мен оқыған кітаптар» әдеби талғам іс-шарасы өткізілді.

ЮНЕСКО-ның шешімімен 1972 жыл – «Халықаралық кітап жылы» аталған, ал 1995 жылдан бастап «23 сәуір – Халықаралық кітап күні» деп жарияланды. Міне, содан бері бұл күн Ресей, Германия, Америка және басқа шет елдерде өте жоғары деңгейде аталып өтілуде.

Дана халқымыз «Батыр бірді жығады, білімді мыңды жығады» деп бекер айтпаса керек. Жаңа ақпараттар көзінің қарыштап дамыған жаһандану заманында да кітап оқу, кітапты пайдалану, көркем шығармаларға деген құштарлық жоғары деңгейде.

Төле би атындағы №8 гимназияның оқырмандарына әдеби кітаптар мен оқулықтар оларға білім көзі, рухани қазына екені түсіндіріліп, кітап арқылы мектептің өзінде-ақ бүкіл адамзат өмірімен таныса алатындары айтылды.

Кітапханашы жаңадан келіп түскен әртүрлі жанрдағы кітаптарды таныстырып, «Кітап білімдеріңді молайтады, кітаптан көп үлгі-өнеге мен тәрбие аласыз. Оқыған-тоқығаның көп болса, жеңбейтін жау, алынбайтын қамал жоқ» - деп өз сөзін қорындылады.

joomlamodniyportal.ru

Comments

Қазақ халқының әлеуметтік, саяси, тарихи өмірінде орны айрықша зор тұлға-Ахмет Байтұрсынұлының халықтық тәлім-тәрбиелік ойларының негізінде оқырмандар бойына адамгершілік, ұлтжандылық қасиеттерді дарыту, ақын, қоғам қайраткері, педагог-ұстаздың құнды мұраларын дәріптеу мақсатында Түркістан облыстық Ы.Алтынсарин атындағы балалар кітапханасымен телекөпір арқылы «Ахмет тағылымы» тақырыбындағы тарихи танымдық кеш өткізілді.

Іс-шарамыздың қонағы Кенен Әзірбаев атындағы филармонияның күйшісі, сазгер композитор танымал айтыскер Басықараев Дидар Ахмет Байтұрсыновқа арнап арнау орындады, №49 Ы. Алтынсарин атындағы орта мектептің «Драма» үйірмесінің оқушылары «Ұстаз ұлағаты» тақырыбында оқырмандарымызға қысқаша көрініс қойды. Қойылым соңында «Ұстазым» әнімен жалғасып «Ұлт рухының кемеңгері» тақырыбындағы кітап көрмесімен таныстырылды. Түркістан облыстық балалалар кітапханасының тұрақты оқырмандары А. Байтұрсыновтың аудармаларымен өлеңдерін мәнерлеп оқыды.

joomlamodniyportal.ru

Comments

23 сәуір – Халықаралық кітап және авторлық құқық күніне орай әріптестеріміз – Дүйсенова Анар, Күзенова Толқын және Абдраманова Әсел «Jambyl Taraz» телеарнасының «Tangy time» бағдарламасына қонақ болды.

⠀ Бағдарламаның «Кітап оқы, рухани бай бол!» тақырыбы бойынша кітапхана қызметкерлері тұрақты оқырмандардың сұранысы, кітап қорына жаңадан түскен кітаптар жайлы әңгіме айтты.

Сондай-ақ, кітапханаға оқырмандарды тарту мақсатында ұйымдастырылған «Сиқырлы қылқалам», «Шебер қолдар» және «Әсем әуен» үйірмелері, «Кітапхана гувернёр» қызметі мен «MediaLab» шығармашылық орталығы туралы баяндады.

⠀

Бағдарлама көрермендерге кітап оқуды насихаттай отырып, рухани құндылықты нығайтуды көздеді.

joomlamodniyportal.ru

Comments