Жамбыл облыстық балалар мен жасөспірімдер кітапханасы

«Тіл — халқымыздың рухы» әдеби кеш

Ана тілін құрметтеу, мемлекеттік тіл мәртебесін көтеруге ат салысуға шақыру мақсатында Д.А. Қонаев атындағы облыстық балалар мен жасөспірімдер кітапханасында 21ақпан- Халықаралық ана тілі күніне орай «Тіл — халқымыздың рухы» атты әдеби кеші өтті.

Кеш «Алаш аманаты» күйімен ашылды. Тілдерді оқыту орталығының аға әдіскері Асхатова Алтыншаш Нұржанқызы оқырмандарға ана тілінің қоғамдағы орны мен рөлі туралы мәлімет берді.

Сондай-ақ, №13, №20 орта мектебінің білім алушылары өлең шумақтарын оқып, сұрақ-жауап ойынына белсене қатысты. «Ана тілі» көрінісі қойылды. «SMart» өнер мектебінің өнерпаздары сыңғырлаған күйін, әсем ән мен би шашуын ұсынды. «Ана тілі – болашақтың кілті» тақырыбындағы кітап көрмесіне шолу жасалды.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=223&start=76#sigProGalleria38f3cbc4b4

Comments

«Ауғанның асуында от кешкендер» тарихи керуен

Биыл Кеңес әскерінің Ауғанстан жерінен шығарылғанына 36 жыл толды. Ауған оқиғасының тарихи мағынасын ашып, Отанды сүю, еліне, халқына қызмет етуге тәрбиелеу мақсатында «Дарын» лицей-интернатында «Ауған асуында от кешкендер» тарихи керуен өткізілді.

Кездесуге Тараз қаласы Ауған соғысы ардагерлері мен мүгедектер одағының мүшесі Сенбиев Нұрбақыт Оңланбекұлы және Жамбыл облысы Тараз қаласының қорғаныс істері жөніндегі басқармасының кіші сержанттары Медеров Нұрсултан мен Егібеков Нұрбақыт қатысты. Ардагер ағамыз қиындығы мен қасіреті мол соғысы кезіндегі жауынгерлік тапсырмаларды қалай орындағаны, әртүрлі ұлттан құралған әскер қатарының мызғымас достығы мен көрсеткен ерліктері туралы айтып, оқырмандардың сауалдарына жауап берді.

Әскери қызметкерлер болса жас ұрпақтың жоғары патриоттық сананың қалыптасуына, өз еліне деген мақтаныш сезімін тәрбиелеу, Отанды қорғаумен азаматтық борышты орындау туралы әңгіме қозғады.

Кеш барысында жүректі тебірентер патриоттық әндер орындалып, «Өмірді қайта жалғандар», «Жауынгер хаты» өлеңдер оқылды. Оқырмандарға тақырыпқа сай жасақталған «Ауғанның отты жалыны» кітап көрмесі таныстырылды.