Жамбыл облыстық балалар мен жасөспірімдер кітапханасы

«Абай оқулары» дауыстап оқу

"Рухани жаңғыру" бағдарламасының «Ұлы даланың ұлы есімдері» арнайы жобасы және Тәуелсіздіктің 30 жылдығына орай Қазақстан халқы Ассамблеясының ХХІХ Сессиясындағы интеркультурализм қағидатын ілгерілету аясында «Абай оқулары» дауыстап оқуы ұйымдастырылды.

⠀

Кездесудің мақсаты - қазақ тілінің көркемдік ерекшелігін, бай сөз қорын насихаттау, дана ақын Абай Құнанбайұлының ақындық талантын жастар жүрегіне ұялату арқылы мәнерлеп жатқа айтуға, поэзияны сүюге, оны бағалай білуге, рухани танымын кеңейту, оқу дағдысын жетілдіруге бағытталған.

⠀

Кездесу барысында өзге ұлттар арасында өткен «Абай оқулары» облыстық байқауының жеңімпазы Устинова Марина ақынның «Өлсем, орным қара жер, сыз болмай ма?..» өлеңі мен «Желсіз түнде жарық ай», «Көзімнің қарасы» әндерін орындады. Тараз техника және бизнес колледжінің студенттері Кошкина Дарья мен Тұрарбек Ұлжалғас ұлы ақынның өлеңдерін оқып, мемлекеттік тілге, қазақтың әдебиеті мен бай мәдениетіне деген зор ықыласын танытты.

⠀

Абайдың мұрасы – қазақтың ең асыл қазынасы болғандықтан Абайдың шығармаларын оқып, келешек ұрпақтың санасында сіңіру басты міндетіміз. Кеш қонақтарына ұлы ақынның өмірі мен шығармашылығы таныстырылып, «Абайды оқы, танырқа!» кітап көрмесіне шолу жасалды.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=223&start=688#sigProGalleria1a5d72929e

Comments

«Тарихтан тағылым – өткенге тағзым» атты тарихи-ғылыми конференция

Халық ақыны Жамбыл Жабаевтың туғанына – 175 жыл толуына орай Д.А.Қонаев атындағы облыстық балалар мен жасөспірімдер кітапханасы Түркістан облыстық Ы.Алтынсарин атындағы балалар кітапханасымен бірлесіп «Тарихтан тағылым – өткенге тағзым» атты тарихи-ғылыми конференция ұйымдастырды.

⠀

Конференция Zoom платформада онлайн форматта өткізілді.

⠀

Кездесу барысында кітапхананың инновациялық-әдістемелік бөлімнің меңгерушісі А.Абдраманова «Жүз жыл жырлаған Жамбыл»тақырыбында доклад пен слайд ұсынды.

⠀

Тараз қаласында орналасқан Шерхан Мұртаза атындағы руханият және тарихтану орталығының «Жамбылтану» бөлімінің мәдени іс-шаралар ұйымдастырушысы Г.Бүркітбаева орталықтың төрт бөліміне саяхат жасап, ақын туралы қызықты ақпараттармен бөлісті.

⠀

Сонымен қатар Түркістан қаласының №26 Ж.Жабаев атындағы мектеп-гимназиясының қазақ тілі мен әдебиет пәнінің мұғаліміМ.Қарағұлова «Жүз жыл жырлаған жүрек» атты баяндамасын оқып, Түркістан облыстық Ы.Алтынсарин атындағы балалар кітапханасының орта және жоғары мектеп жасындағы балаларға қызмет көрсету бөлімінің меңгерушісі М.Джайлыбаева «Абыз қария, жыры – дария» кітап көрмесіне шоу жасады.

Конференция Түркістан қаласы №79 мектебінің 10 сынып оқушысы Жамалов Ерсұлтанның орындауында «Ленинградтық өренім» өлеңімен аяқталды.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=223&start=688#sigProGalleriac37984dab3

Comments

5 қыркүйек – Қазақстан халқы тілдері күні «Тіл құдіреті» Ашық микрофон (ашық трибуна)

Жамбыл политехникалық жоғары колледжінің білімгерлері, жетекшілері, кітапхана қызметкерлерінің қатысуымен 5 қыркүйек – Қазақстан Халықтарының тілдері күніне арналған «Тіл құдіреті» ашық микрофон (ашық трибуна) өткізілді.

Қалыптасудың барлық сатыларын бастан кешірген ана тіліміз – мейлінше жетілген ұлттық тіл. Қазақстан егеменді, тәуелсіз ел. Қазақстанды дамыған өркениетті елу елдің қатарына енгізетін біздің болашағымыз – бүгінгі жастар біз. Біздің міндет еліміздің намысын қорғап, оны әлемге таныта білу. Әлемге таныту үшін әр жас өз елінің тарихын, тілін жетік білуіміз керек - деп жастар ашық айта білді.

ХХ ғасырдың ұлы жемісі – қазақ халқы үшін Егемендіктің көк туы желбіреуі. Ата-бабаларымыз көксеген, армандаған тәуелсіздікке қол жеткіздік. Ендігі мақсатымыз - ұлттық рухты, түскен еңсені көтеру. Ұлттық мінез, ұлттық намыс, ана тілі жоқ жерде – ұлт та жоқ. Адамзаттың Абай мен Мағжан сынды асқар алыптарын туғызған, әкелері мен аналары болған ұлтымыздың тірегі сенсің, туған тілім. Бірақ, менің терім “туған тілім” сен үшін ғана төгілсін, менің өмірім сен үшін ғана өрілсін! Олай болса, ана тілімізді алдымен өзіміз құрметтейік, ардақтайық! Сонда ғана туған тіліміздің туы биіктерде желбіреп тұратын болады.деген ұранды сөздерімен іс-шараға қатысқан білімгерлер ойларымен бөлісті.

Тіл мерекесіне арналып жасақталған кітап көрмеге 36 кітап койылып, библиографиялық шолу жасалды. 23 оқырман қатысып 9 оқырман кітапханаға тіркелді.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=223&start=688#sigProGalleria57e16f6b9f

Comments

«Ата – заң еліміздің тірегі» Білгірлер сайысы

Д.А.Қонаев атындағы Жамбыл облыстық балалар мен жасөспірімдер кітапханасында ҚР рәміздерін қастерлеу, Тәуелсіз Қазақстанның жетістіктері мен құндылықтарын насихаттау, жастарды елжанды етіп тәрбиелеуге, оқырмандардың кітапқа деген қызығушылығын арттыру мақсатында Мектеп олимпиадаларын және мектептен тыс іс-шараларды өткізетін облыстық орталық «Жас тілші» және «Драма студия» үйірмелерінің оқырмандарымен «Білгірлер сайысы» ұйымдастырылды.

Сайыс үш кезеңнен тұрды:

"Кім жылдам" топ басшылары бір минутта 10 сұраққа жауап беру;
"Жұмбақтың шешуін табу"
"Сен білесің бе?" Ұяшықтағы сұраққа жауап беру;

Оқырмандар үш кезеңнен де сүрінбей өтіп, өздерінің білімдерін көрсетті. Іс шара барысында «Ата-заңым ардағым» кітап көрмесіне библиографиялық шолу жасалды. Қыран мен Сұңқар тобы Халқымыз бірлікте, татулықта тыныш өмір сүрсін! Еліміздін абыройы мен мәртебесі асқақтай берсін!- деп өздерінің жылы лебіздерін білдірді.