Жамбыл облыстық балалар мен жасөспірімдер кітапханасы

Жазушының шығармаларын оқырмандарға кеңінен таныстыру, жас ұрпақтың классикалық және заманауи әдебиетке деген қызығушылығын арттыру мақсатында қазақ әдебиетінің көрнекті өкілдерінің бірі, жазушы, зерттеуші және қоғам қайраткері Мұхтар Мағауиннің 85 жылдығына орай портреттік кеш өтті.

Іс-шараға Қазақстан Республикасының Еңбек сіңірген қайраткері, Халықаралық «Алаш» әдеби сыйлығының лауреаты, «Құрмет» орденінің иегері, Жазушылар Одағының мүшесі, жазушы, журналист Көсемәлі Сәттібайұлы, Шерхан Мұртаза атындағы Тараз халықаралық университетінің филология ғалымдарының кандидаты, профессор Мендібай Абилов қатысты. Іс-шара барысында №67орта мектептің оқушылары хандық дәуірде өмір сүрген ақын-жыраулар шығармаларынан (XV–XVIII ғасырлар) үзінді оқыды. А.Макаренко атындағы орта мектебінің 11 сынып оқушылары «Көк мұнар» атты шығармасынан монолог, Керімбай атындағы №12 мектеп- гимназиясы 5, 9 сынып оқушылары «Бір атаның балалары» атты повесінен көрініс көрсетті.

Кеште «Aru_dance_taraz» студиясының бишілері, «Қарақат» мектеп студиясының «ULYTAU» домбырашылары мен жетігеншілері өнерлерін көрсетті. Іс-шара соңында Мұхтар Мағауин туралы деректі фильм көрсетіліп, «Түғыры биік ірі тұлға» атты кітап көрмесіне шолу жасалды.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=174&start=80#sigProGalleriafd4c82eec2

Comments

«EcoLand» эко-жобасы «Экология және дене шынықтыру» Спорттық сайыс

Оқырмандарға экология мен денсаулықтың байланысын түсіндіру, табиғатқа қамқор болу арқылы денсаулықты нығайту, экологиялық таза өмір салтын насихаттау мақсатында «EcoLand» эко-жобасы аясында «Экология және дене шынықтыру» спорттық сайыс өтті.

Іс-шара барысында «Спорт» әнімен ашылса, оқырмандарға экология туралы ақпарал беріліп, «Сұңқар» және «Барыс» тобы болып екіге бөлініп спорттық сайыс өткізілді. Сайыста «Кім жүйрік», «Ия, жоқ», «Кім шапшаң», «Библиошар», «Жүйрік паравоз» сынды спорттық сайыстар өткізіліп, «Экология – тіршіліктің тынысы» кітап көрмесіне шолу жасалды.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=174&start=80#sigProGalleria322d8a93da

Comments

«Салауатты ұрпақ – ұлт болашағы» информина

Жас ұрпаққа денсаулығының қымбаттығын, өмір сүру үшін қажетті бағалы байлық екендігін, дені сау ұрпақ ертеңгі болашағы екендігін түсіндіру мақсатында «Салауатты ұрпақ – ұлт болашағы» информина өткізілді.

Іс-шара барысында Керімбай атындағы №12 гимназия оқырмандарына салауатты өмір салтының пайдасы, зиянды әдеттер, есірткі заттардың жас ағзаға тигізер зиянды әсері мен адам өміріне аса қауіптілігі, келешек өмірлеріне келтірер кесірі туралы түсінік берілді.

Оқырмандарды сақтану жолдарын дұрыс таңдап, алдын алу, саналы да салауатты өмір сүруге тәрбиелеу үшін «Жоғалған әріптер», «Мақал-мәтелді толықтыр» ойындар мен «Денің сау болсын десең...» тренингі ойнатылды. Сондай-ақ, арнайы жасақталған кітап көрмесіне шолу жасалды.