Жамбыл облыстық балалар мен жасөспірімдер кітапханасы

«Наурыз – жаңару мен бірліктің мерекесі» мерекелік-танымдық кеш.

Ұлыстың ұлы күнінің мән-мағынасын ашу, өскелең ұрпаққа ата-бабадан қалған салт-дәстүрлер мен ұлттық құндылықтарды дәріптеу мақсатында «Наурыз – жаңару мен бірліктің мерекесі» атты мерекелік-танымдық кеш өткізілді.

Мерекелік кеш мемлекеттік шығармашылық тапсырыс аясында ЖК «Бозгулова» «Шабыт» би үйірмесінің өнерімен ашылып, ЖК «Tumar» домбырашылар үйірмесі мен халық әндері үйірмесінің орындауындағы ән мен күйге ұласты. Сонымен қатар, балалар мен кітапхананың ақ жаулықты әжелері Наурыз мерекесіне арналған жыр-шашуларын арнады.

Кеш барысында Наурыз мейрамының басты символы – Наурыз көженің дайындалу жолы мен оған қосылатын жеті дәмнің қасиетті мағынасы таныстырылып, әрбір дәм – тазалықтың, татулықтың, ақ тілектің және тоқшылықтың нышаны ретінде түсіндірілді.

Қолөнерді жаңғырту мақсатында қыздар арасында киіз үйді сәндеу және «қошқармүйіз» оюын қолдану бойынша аппликациялық жұмыстар жүргізілсе, ер балалар арасында ептілік пен күшті талап ететін арқан тартыс, асық ату (ханталапай), қол күрес секілді ұлттық ойындардан жарыстары ұйымдастырылды. Мерекенің ең ерекше сәті ретінде баланың қадамы нық болсын деген ниетпен жасалатын «Тұсау кесу» рәсімі №13 бөбекжай бақшасының қатысуымен көрсетілді.

Кеш соңында «Сәнді шаңырақ» көрмесінің нәтижелері жарияланып, ерекше көзге түскен ұлдар мен қыздар марапатталды. Мерекелік жиын ел амандығын тілейтін ақ батамен түйінделді.

Кликните, чтобы увеличить изображение 01.jpg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=174&start=72#sigProGalleria5c2cf4a103

Comments

8-наурыз Халықаралық әйелдер күні «Ардақты әже, аяулы ана, ару қыз» мерекелік кеш

8 наурыз – Халықаралық әйелдер күніне орай Д.А.Қонаев атындағы облыстық балалар мен жасөспірімдер кітапханасы мен №69 орта мектептің ұйымдастыруымен «Ардақты әже, аяулы ана, ару қыз» атты салтанатты мерекелік кеш өтті. Көктемнің шуақты мерекесіне арналған бұл тағылымды шара аналар мен аруларға деген құрмет пен ілтипаттың айқын көрінісіне айналды.

Кеш шымылдығы мемлекеттік шығармашылық тапсырыс аясындағы Қордай аудананың жеке кәсіпкер «Күншуақ» домбыра үйірмесінің орындауындағы күйлерімен түріліп, жиналған көпшілікке ерекше рухани әсер сыйлады. Мерекелік іс-шараға Жамбыл облысы әкімдігінің мәдениет және тілдерді дамыту басқармасы басшысының орынбасары Г.Серікбаева, қалалық білім бөлімінің әдіскері Т.Аяпбергенова, «Aq jol» облыстық газетінің тілшісі Қамар Қарасаева қатысты.

Тараз қаласы №69 орта мектептің «Дала үні» хоры анаға деген шексіз махаббатты әуелеткен ән арқылы жеткізсе, музыка пәні мұғалімі Қалдыбаева Бақытгүлдің орындауындағы «Анамның ақ жаулығы» әні көпшіліктің жүрегін тебірентті. Мектеп оқушылары аналарға арналған жүрекжарды монологтарын оқып, ал жігіттері әсерлі ән-попурри тарту етті. №8 гимназияның театр үйірмесі «Рахмет саған, Мама!» атты көлеңкелі көрініспен көрермендердің көңілінен шықты.

Кітапхана ұжымы сахналаған «Ана қадірі» атты тағылымды көрініс ананың өмірдегі орны мен мәртебесін тереңінен ұғындырды. Сондай-ақ, қордайлық ЖК «Жұлдыздар Әлемі», ЖК «Өнер бұлағы» балалар шығармашылық би үйірмелері «Батыр», «Наз кербез» билерін орындап, кештің көркін қыздыра түсті.

Мерекелік кеш соңында кітапхана қызметкері «Ана шуағы» атты кітап көрмесіне шолу жасап, аналар тақырыбына арналған кітаптар мен мерзімді басылым беттеріндегі мақалаларды таныстырды. Шараға белсене қатысқан өнерпаздар мен қатысушылар алғыс хаттармен марапатталды.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=174&start=72#sigProGalleria73461bedb3

Comments

Қордай, Меркі, Т.Рысқұлов аудандары кітапханаларының балалар мен жасөспірімдерге қызмет көрсету бөлімдерінің жұмысын зерделеу барысы.

Қордай, Меркі, Т.Рысқұлов аудандары кітапханаларының балалар мен жасөспірімдерге қызмет көрсету бөлімдерінің жұмысын зерделеу барысы.

Кликните, чтобы увеличить изображение photo_2026-03-06_10-18-35.jpg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=174&start=72#sigProGalleriaf765f49ee5

Comments

«Оқуға құштар жүректер» облыстық байқауы

Қазақ балалар әдебиетінің көрнекті өкілдерінің шығармашылық мұрасын насихаттау мақсатында Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен «Оқуға құштар жүректер» облыстық байқауының аудандық кезеңі өтуде.

- Қазақ әдебиетінің көрнекті өкілдері: Ыбырай Алтынсарин – 185 жыл, қазақ поэзиясының ақиығы - Мұқағали Мақатаев – 95 жылдығына арналған шығармашылық байқау Тұрар Рысқұлов ауданында өтті.

Нәтижесінде 7 сынып оқушысы Жолдасбек Шұғыла байқаудың облыстық кезеңіне қатысуға жолдама алды.