Жамбыл облыстық балалар мен жасөспірімдер кітапханасы

«Бұлақтай кәусар жырлары» атты кітап көрмесі

Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен Ескен Елубаевтың туғанына 80 жыл толуына орай «Бұлақтай кәусар жырлары» атты кітап көрмесі ұйымдастырылды.

Көрменің мақсаты: оқырмандарға ақынның өмірбаяны және шығармаларымен таныстыру, рухани-адами тәрбие беру, ұлтжандылық қасиеттер қалыптастыру, ақынның шығармаларын оқырмандарға ұсыну, еңбегін жастарға насихаттау және де көркем әдебиетке деген қызығушылықтарын арттыру.

⠀

Елубаев Ескен Көк жейде: [Mәтін]: өлең, ертегілер, жұмбақтар, жаңылтпаштар /Е.Елубев.-Алматы: Раритет, 2008.-256 б.
Елубаев Ескен Қордай асуы [Mәтін]: Өлеңдермен поэма/-Алматы: Жазушы,1987ж-93б.
Елубаев Ескен. Балаларға базарлық [Mәтін]: Өлеңдер, жұмбақтар, ертегілер, жаңылтпаштар / Е.Елубаев.-Алматы: Алматыкітап, 2006.-128 бет.
Елубаев Ескен Таңдамалы [Mәтін]: Өлеңдер, тақпақтар, жұмбақтар, жаңылтпаштар.Т.1 / Е.Елубаев.-Алматы: Ана тілі, 2013.-384 б.
Елубаев Ескен Құпиялы әріптер [Mәтін]:/ Е.Елубаев.-Алматы: Аруна, 2014.-127 б. т.б.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=174&start=632#sigProGalleriaec9af80190

Comments

«Дін және қауіпсіздік ақпараттық шолу»

Діни экстремизмнің алдын алу бойынша жастардың діни сауаттылығын ашып, дін мәселесі жөнінде оң пікір қалыптастыру мақсатында оқырмандарының қатысуымен «Дін және қауіпсіздік ақпараттық шолу» ұйымдастырылды.

Іс-шара барысында кітапханашы қоғамды жайлап бара жатқан түрлі келімсек діни ағымдар, олармен күресу жолдары, лаңкестік әрекеттер, олардың түпкі мақсаттарын түсіндірді.

⠀

Оқырмандар діни наным-сенімдер турасында өмірден нақты мысалдар келтіріп өз пікірлерін білдірді. Сондай-ақ қатысушыларға әлемдік діндер жайында толық ақпарат берілді.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=174&start=632#sigProGalleria190ec32b25

Comments

«Бұлақтай кәусар жырлары» (телекөпір)

Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен балалар жазушысы Ескен Елубаевтың туғанына 80 жыл толуына орай Түркістан облыстық Фараб әмбебап ғылыми кітапханасымен «Бұлақтай кәусар жырлары» атты телекөпір өтті.

⠀ Мақсаты: Қазақтың көрнекті ақыны, Халықаралық «Алаш» әдеби сыйлығының лауреаты Ескен Елубаевтың өмірі мен шығармашылығын балаларға тереңірек оқыту, рухани-адами тәрбие беру, ұлтжандылық қасиеттер қалыптастыру, балалар мен жасөспірімдер арасында кітапқа деген қызығушылықты арттыру.

⠀ Іс-шараға арнайы Түркістан облыстық Фараб әмбебап ғылыми кітапханасынан Маджан Айгерім, Жұмабаева Айнұр, Алиева Балжан, Сипатилла Нұрай, Абуова Іңкәр, Оразбай Айнұр ақынның өлеңдерін оқыды. Балалар көрініс көрсетіп, ақынның жаңылтпаштарын айтып, бір-біріне ақынның кітабынан жұмбақтар жасырып, ойнады.

⠀

Біздің кітапханамыздың тұрақты оқырмандары №33 орта мектептің мұғалімдері және оқушылары қатысты. Керімбек Камила, Рамазан қызы Жанель, Ужакенова Айша, Әзімхан Ерсұлтан, Суеубай Нұрәлі ақынның «Бір уыс бидай» атты пьесасынан үзінді қойды.

⠀ Кітапханамызда ақынның өмірімен шығармашылығына арналған «Бұлақтай кәусәр жырлары» кітап көрмесі қойылып, библиографиялық шолу жасалды.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=174&start=632#sigProGalleriaea2b5855f1

Comments

«Болашаққа бағдар» тренинг

Халықты нәтижелі жұмыспен қамтуға жәрдемдесу және азаматтарды оқуға, кәсіпкерлікке тарту мақсатында «Менің кәсіби бастамам» жұмыссыз жастармен жұмысты жетілдіруге арналған кітапханалық бағдарлама аясында «Болашаққа бағдар» тренинг ұйымдастырылды. Тренингке психолог маман, Халықаралық Тараз инновациялық институтының жоғарғы курс білімгерлері, жас кәсіпкерлер қатысып, өз ойларын ортаға салды.

⠀ Тренинг барысында кәсіпкер Алия Аманбайқызы өз кәсібі туралы айтып, қолынан шыққан құрақ көрпе жасаудың қыр сырларын көрсетсе, психолог Ақмарал Аманбекқызы жастарға жұмысқа орналасуда, кездесетін түрлі кедергілерден мүдірмей өту жолдарын түсіндірді.

⠀ Сондай-ақ, Қордайлық жас кәсіпкер Күмісбеков Тимурдың кондитерлік цехты қалай ашқаны, шығарып жатқан тәттілері, соның ішінде қант диабеті ауыруына шалдыққан адамдарға арналған өнімдері туралы слайд көрсетілді.

⠀ Қатысушыларға «Екі қолға бір күрек» кітап көрмесі жасақталып, онда түрлі кәсіпке арналған психологиялық кітаптар, мерзімді басылым беттеріне шыққан материалдар қойылды.