Жамбыл облыстық балалар мен жасөспірімдер кітапханасы

«Өшпес өнеге иесі» тарихи-танымдық сағат

Дінмұхамед Ахметұлы Қонаевтың өмірі мен елге сіңірген еңбегін жас ұрпаққа таныту мақсатында «Өшпес өнеге иесі» тарихи-танымдық сағат өткізілді. Іс-шара барысында тарихи тұлғаның өмірі мен қоғамдық-саяси қызметіне арналған «Тұлғаны таныған – тарихты таниды» атты деректі бейнеролик көрсетілді. Сонымен қатар Д.А. Қонаевтың отбасылық өмірінен сыр шертетін тарихи және отбасылық суреттер көпшілік назарына ұсынылды.

Өшпес өнеге иесі туралы тағылымды естеліктер мен құнды деректер қамтылған «Қонаев дәуірі – тарих беттерінде» атты кітап көрмесі таныстырылды.

Тарихи-танымдық сағат барысында оқырмандар халқына адал қызмет еткен ұлы тұлғаның өнегелі өмірі мен ел тарихындағы айрықша еңбегі туралы мағлұмат алып, тағылымды ой түйді.

Кликните, чтобы увеличить изображение 01.jpg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=173&start=8#sigProGalleriacbb7f8bfa5

Comments

«Кітап әлемі: ойлы ұрпақ алаңы» кітапханалық вайб

Тараз қаласы, Қ.Рысқұлбеков саябағында өткен «Кітап әлемі: ойлы ұрпақ алаңы» кітапханалық вайб аясында оқырмандарға кітаптың адам өміріндегі маңызын насихаттайтын «Кітап – білім бұлағы» атты кітап көрмесі таныстырылды. Көрмеге көркем, балалар, әлемдік әдебиеттер, комикстер мен ертегілер топтамасы қойылып, «ОҚИТЫН ҰЛТ» кітап инсталляциясы ұсынылды.

Балалардың кітапқа қызығушылығын арттыру мақсатында «Мақалды тап», «30 секундтық оқырман», «Кім жылдам?», «Кітапты тап», «Әріптерден сөз құрастыр» атты қызықты ойындар ұйымдастырылып, қатысушылар өз білімдері мен шапшаңдықтарын сынады.

Заманауи технологиялар тоғысқан «IQ TOP» интерактивті алаңында жасанды интеллект арқылы әзірленген өнімдер, аудиокітаптар мен анимациялық ертегілер таныстырылды. Ал «Зерде» ойын алаңында балалардың логикалық ойлауын, зейінін және шығармашылық қабілетін дамытуға бағытталған танымдық ойындар ұсынылды.

Кітап пен заманауи технологияны, танымдық ойындар мен шығармашылықты үйлестірген шара балаларға мазмұнды әрі қызықты орта қалыптастырып, кітап оқуға деген ынтасын арттыруға ықпал етті.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=173&start=8#sigProGalleriad6da8e8e04

Comments

«Кітаппен жазды бастайық» жобасы «Abai Quest» интеллектуалды ойын-квест

10 тамыз – Абай күніне орай ұлы ақынның шығармашылығын насихаттау, балалардың білімге деген қызығушылығын арттыру мақсатында «Мөлдір бұлақ» облыстық оқу-сауықтыру орталығында «Кітаппен жазды бастайық» жобасы аясында «Abai Quest» интеллектуалды ойын-квесті өткізілді.

Квест барысында балалар Абайдың өмірі мен шығармашылығына қатысты сұрақтарға жауап беріп, өлеңдерін танып, қара сөздерінің мағынасын ашып, түрлі логикалық және шығармашылық тапсырмаларды орындады. Ойын балалардың тапқырлығын, шапшаңдығын, ойлау қабілетін және топпен жұмыс жасау дағдыларын дамытуға бағытталды.

Іс-шара соңында белсенді қатысушылар атап өтіліп, балалар Абайдың мол мұрасынан тағылым алды.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/neg/homepage-4.html?id=173&start=8#sigProGalleria3b8b4bcea4

Comments

«Абай айтқан өсиет» әдеби сағат

№13 бөбекжай-бақшасының тәрбиеленушілерімен қазақтың ұлы ақыны, ойшыл, ағартушы Абай Құнанбайұлының шығармашылығына арналған «Абай айтқан өсиет» атты әдеби сағат өткізілді.

Іс-шара барысында балалар Абайдың өмірі мен шығармашылығы туралы бейнеролик тамашалап, ақынның тағылымды өлеңдері мен өсиеттерімен танысты. Тәрбиеленушілер Абайға арналған тақпақтарын мәнерлеп айтып, «Ғылым таппай мақтанба» өлеңінен үзінді орындады.

Балалардың белсенділігін арттыру мақсатында «Бес нәрседен қашық бол, бес нәрсеге асық бол» атты сергіту ойыны ұйымдастырылды. Сонымен қатар Абайдың табиғат лирикасынан «Жазғытұры», «Есіңде бар ма жас күнің» өлеңдерінен үзінділер тыңдалды.

Әдеби сағаттың көркемдік бөлімінде тәрбиеленушілер Абайдың «Көзімнің қарасы» әнін хормен орындады. Іс-шара соңында балаларға арналған 3D форматтағы кітаптардан кітап көрмесі таныстырылып, олардың мазмұнымен танысуға мүмкіндік берілді.