балалар мен жасөспірімдер кітапханасы

«Тәуелсіздік таңы» тақырыптық кеш

 

Желтоқсан оқиғасы арқылы бабаларымыздың армандаған егемендігіне жеткендігімізді, тәуелсіздікке жету жолында талай боздақтарымыздың жалған айыппен шейіт болғандарын оқырмандарға жете ұғындыру; оқырмандардың дүниетанымын кеңейту; Отанды сүюге, құрметтеуге, желтоқсандықтарға құрмет көрсетуге тәрбиелеу мақсатында Д.А.Қонаев атындағы Жамбыл облыстық балалар мен жасөспірімдер кітапханасының 16 желтоқсан Қазақстан Республикасының Тәуелсіздік күніне орай ұйымдастырылған «Тәуелсіздік таңы» тақырыптық кеші өтті.

Іс-шараға кітапхана оқырмандары және №54, 34 орта мектептің оқушылары қатысты.

Іс-шара аясында оқырмандар тәуелсіздік тақырыбындағы өлеңдерін оқып, «Желтоқсан желі» әнін орындады. «Қайраттың ақтық сөзі» атты көрініс қойылып, желтоқсан қаһарманы Қ.Рысқұлбековтің қайсар да, батыр келбетін көрсетіп, оның соңғы сөзін көрермендерге шынайы жеткізген №34 орта мектептің оқушысы Қанебаев Самат болды.

«Тәуелсіздігіміз тұғырлы, еліміз еңселі болғай!»-деген тілекпен іс-шара аяқталды. Кітапхана қорынан алынған әдебиеттерден «Тәуелсіздік тірегім» атты кітап көрмесі жасақталды. Көрмеге Тәуелсіз Қазақстанның бел-белестері, бүгінгі жетістіктері және жарқын болашағы туралы деректер мен құнды кітаптар қойылған. Олар – еліміздің мемлекет болып нығаюы кезеңімен, еліміздің тарихымен, Қазақстан халықтарының мәдениетімен тығыз байланысты кітаптар. Көрменің негізгі идеясы – қазақ мемлекетінің сан ғасыр бойы қалыптасу тарихындағы уақыт пен ұрпақтар сабақтастығын көрсету. Аталған көрмеде еліміздің кешегі мен бүгінгі жарқын келбеті салыстырмалы түрде көркем фотосуреттермен берілген.

            Кітап көрмесіне: Менің Отаным – Тәуелсіз Қазақстан [Мәтін]. – Алматы: Балауса, 2009.-184б., Адырбек К. Тәуелсіздікке талпыныс [Мәтін]: Публицистикалық мақалалар / К.Адырбек – Алматы: Айғаным, 2016. - 380 б., Тәуелсіздік. Демократия. Гуманизм [Мәтін] / 2-ая книга.– Алматы: Қазақ энциклопедиясы, 2011.–392 с. т.б. кітаптар қойылды.

joomlamodniyportal.ru

Comments

«Тәуелсіздік – елімнің ерлік жолы»

блиц-турнир

Болашақ ұрпақтың рухани тұлғалық және адамгершілік құндылықтарын дамытып, еліміздің тәуелсіздік алған жылдар ішіндегі жеткен жеңістіктерімен таныстыру; әлем таныған ел екенін дәлелдеп, білімдерін кеңейту мақсаттарында «Тәуелсіздік – елімнің ерлік жолы» блиц-турнирі өтті.

Іс-шара барысында оқырмандарға 1986 жылғы желтоқсан оқиғасы жайында ақпарат беріліп, Қайрат Рысқұлбеков, Ләззат Асанова, Ербол Сыпатаев, Сәбира Мұхамеджанова сынды тұлғалардың қайсарлығы, өжеттігі туралы айтылды. Тәуелсіздік тақырыбында өлеңдер оқылып, сұрақтар қойылды. Оқырмандар желтоқсан оқиғасы жайында әсерлі көріністер ұсынып, жас бүлдіршіндер «Желтоқсан желі – ызғарлы» әнін орындады. Оқырман назарына «Тәуелсіздік – мәңгілік ел мұраты» кітап көрмесіне қойылған: Менің Отаным – Тәуелсіз Қазақстан [Мәтін]. – Алматы: Балауса, 2009.-184б., Адырбек К. Тәуелсіздікке талпыныс [Мәтін]: Публицистикалық мақалалар / К.Адырбек – Алматы: Айғаным, 2016. - 380 б., Тәуелсіздік. Демократия. Гуманизм [Мәтін] / 2-ая книга.– Алматы: Қазақ энциклопедиясы, 2011.–392 с. т.б әдебиеттер ұсынылды.

Іс-шараға 23 оқырман қатысып, кітапханаға 8 оқырман тіркелді. 

joomlamodniyportal.ru

Comments

«Туған жер» жобасының «Туған жер – туған ел» базалық бағытындағы «Рухани қазына» кіші бағдарламасының «100 кітап» жобасы аясында  өткізілген

«Бір кітапты бір мерзімде оқу»

(С.Торайғыровтың «Қамар сұлу» романы)

Акциясы

 

Елбасы Н.Ә.Назарбаев «Болашаққа бағдар: рухани жаңғыру» атты мақаласында «Туған жер» бағдарламасын қолға алуды ұсынған болатын. Аталған бағдарламаны жас ұрпаққа насихаттау, оны жүзеге асыру, жастарды патриоттық рухқа тәрбиелеу мақсатында Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен «Туған жер» жобасының «Туған жер – туған ел» базалық бағытындағы «Рухани қазына» кіші бағдарламасының «100 кітап» жобасы аясында «Бір кітапты бір мерзімде оқу» (С.Торайғыровтың «Қамар сұлу» романы) акциясы өткізілді.

Comments