Жамбыл облыстық балалар мен жасөспірімдер кітапханасы

«Алаш көсемі» кітап көрмесі

Алаш көсемі, мемлекет және қоғам қайраткері, халқымыздың біртуар перзенті – Әлихан Бөкейхановтың 155 жыл толуына орай кітапханада «Алаш көсемі» кітап көрмесі ұйымдастырылды.

⠀ Алаш Орда үкіметінің төрағасы, ұлт көсемі Әлихан Нұрмұхамедұлының мерейтойы биыл ҚР Тәуелсіздігінің 30 жылдығымен тұспа-тұс келіп отыр. Өзінің бар саналы ғұмырын қазақ халқының ұлт-азаттық қозғалысына, мемлекет біртұтастығы мен тәуелсіздігіне арнаған, ел егемендігі мен халқы үшін жан кешіп күрескен Әлихан бабамыздың есімі ел есінде мәңгілік. Кітапхана мамандары 1917-1927 ж. Семейдiң бұрынғы «Заречная Слободка» бөлiгi Алаш қаласы болып аталып келгендігі, Әлихан Бөкейхан 1918 жылдан бастап өзiнiң Алашорда үкiметiнiң төрағасы қызметiне байланысты Семейде тұрғаны жайында атап өтті.

⠀ Әлихан Бөкейхановтың Алашорда үкiметiнiң Ұлт Кеңесi, Семей облыстық кеңесi, облыстық және уездiк Земство басқармалары, Алаш қалалық Думасы мен Алаш қалалық қоғамдық басқармасы тәрiздi болашақ мемлекеттiк басқару жүйелерiн құруға қатысып, қыруар iстер атқарғандығы туралы кітап беттеріндегі құнды деректер таныстырылды.

⠀

Сондай-ақ кітап көрмесіне Ә. Бөкейханов шығармаларының 9 томдық толық жинағы, ғалымның таңдамалы еңбектері, «Алаш және тарих», «Алаш және әдебиет» кітаптары мен Т.Жұртбайдың «Ұраным Алаш», К. Нұрпейісовтің «Алаш һәм Алашорда», Ғ. Ахмедовтің «Алаш, Алаш болғанда» т.б. алаштанушы ғалымдардың еңбектері қойылып, шолу жасалды.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/?start=644#sigProGalleria48f944e104

Comments

15 қараша - Ұлттық теңге күні «Ұлттық теңгенің айналымға ену тарихы» банк қызметкерлерімен кездесу

Оқырмандарды тәуелсіз еліміздің ең бірінші айрықша белгісі теңгемен таныстыру, төл теңгеміздің шығу тарихы, айналымға ену кезі туралы мағлұматтар беру. Қазіргі нарықтық экономика жағдайындағы іс- әрекеттерді реттеуге үйрету, экономикалық терминдермен таныстыру, өз бетімен жұмыс істеуге дағдыландыру мақсатында 15 қараша Ұлттық теңге күніне орай «Ұлттық тенгенің айналымға ену тарихы» банк қызметкерлерімен кездесу өткізілді.

⠀

Іс-шара барысында Ұлттық теңгенің шығу тарихы жайында бейнеролик көрсетіліп, «Jusan Bank» қызметкерлерімен сұхбат жүргізілді. Кітапхананың тұрақты оқырманы Қозыбай Мейірханның орындауында «Самға» әні орындалса, оқырмандармен сұрақ-жауап ойыны ойнатылып, сергіту сәті жүргізілді. Алихан Саяттың «Жаса Қазақстан» әнімен қорытындылады. 15 қараша «Ұлттық валюта күні» кітап көрмесіне библиографиялық шолу жасалды.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/?start=644#sigProGalleriab01e566a60

Comments

Қастек Баянбайдың туғанына – 85 жас «Бұлақтай кәусар жырлары» (әдеби сандықша)

Балалар ақыны болу үлкен бақыт, себебі бала өзінің сәби кезінде оқыған жырларды көкірек сарайында кіршіксіз, саф таза күйінде сақтайды, ақын өлеңі сәби жүрегінде ескірмес сурет болып қалады. Сондай ақындардың бірі – Баянбай Қастек. Осыған орай Төле би атындағы №8 мектеп – гимназиясы оқырмандарының қатысуымен «Бұлақтай кәусар жырлары» тақырыбында әдеби қобдиша ұйымдастырылды.

Іс-шара барысында оқырмандарға Қастек Баянбайдың өмірі мен шығармашылығы туралы ақпарат беріліп, «Біліміңді мықта», «Адасқан әріптер», «Кім жылдам» ойындары ойнатылды. Іс-шара соңында кітап көрмесіне библиографиялық шолу жасалды.

Кликните, чтобы открыть изображение!

Посмотрите вложенную галерею изображения онлайн в:
http://www.jobjk.kz/kz/?start=644#sigProGalleria79d42df5c0

Comments

"Біз біргеміз бәріміз" «Қол ұшын берейік» (арт-кездесу)

2015 жылдың 20 ақпанында ҚР Бірінші Президенті Н.Назарбаев «Мүгедектердің құқықтары туралы конвенцияны ратификациялау туралы» ҚР Заңына қол қойды.

Заң жобасының мақсаты мұгедектердің барлық құқықтары мен адамның негізгі бостандықтарын толық тең пайдалануын қамтамасыз ету және қорғау. Осы бағытта 2015-2025 жылдарға арналған "Біз біргеміз бәріміз" жобасы іске асырылуда.

Мүмкіндігі шектеулі балаларды оқыту және тәрбиелеу, білім беру жүйесінің бір бөлігі болып табылады.

«Мейірім» мектеп-интернатының 4-сынып оқырмандарының қатысуымен «Қол ұшын берейік» тақырыбында арт-кездесу өткізілді.

Іс-шара барысында жастайынан есту қабілеті нашар балалар дыбыстық кітаптарға қызығушылық танытып, естімейтін және нашар еститін балаларға сурдопедагогика тілімен ұстаздары түсіндіріп балалардың қызығушылығын оятты. Өздерінің шығарған өлең жолдарымен бөлісіп, сұрақ- жауап ойыны ойнатылып, мақал-мәтел айтып, жұмбақтар шешіп оқырмандар белсене атсалысты. Іс-шара соңында балаларға тәттілер мен сыйлықтар ұсынылды.