балалар мен жасөспірімдер кітапханасы

Қазақстан Республикасының мемлекеттік рәміздерінің 30 жылдығына орай "Мемлекеттік рәміздер-ел мәртебесі" ақпараттық досье Төле би атындағы #8 гимназияның 6 сынып оқушыларының қатысуымен өткізілді.

Іс-шара әнұранмен басталып, оқырмандар Қазақстан Республикасының мемлекеттік рәміздерінің шығу тарихы, авторлары, әр рәмізде көрсетілген бейнелердің білдіретін мағыналары туралы толық мәлімет алды.

Оқырмандар қойылған сұрақтарға жауап бере отырып, ой-пікірлерімен бөлісті.

"Рәміздер - тәуелсіздік белгісі" кітап көрмесіне библиографиялық шолу жасалды.

joomlamodniyportal.ru

Comments

4 маусым – Рәміздер күніне 30 жыл толуына орай, «Рәміздер – Тәуелсіздік тұмары» тақырыбында кітап көрмесі ұйымдастырылды.

Оқырмандарға Тәуелсіздігіміздің маңыздылығы туралы айтылды. Тарихи дерек көздері қамтылды. Елдігіміздің басты құндылықтары ретінде Елтаңба, Әнұран және Туымызды құрметтеу, қорғау туралы ақпараттар берілді.

Оқырмандар кітап көрмесімен танысып, қажетті ақпараттар алды.

joomlamodniyportal.ru

Comments

Өскелең ұрпақты ұлттық рухта тәрбиелеу, рухани мәдениетімізді насихаттау мақсатында «2022 жыл – Балалар жылы» аясында ұйымдастырылған 1 маусым – Халықаралық балаларды қорғау күніне орай «Өлкенің гүл жайнаған балғындары» мерекелік ертеңгілігі ұйымдастырылды.

⠀

Мерекелік кешті 4-ші сынып оқушылары Бақытжан Жаннұр мен Нұрлан Дулат балаларға арналған өлең шумақтарымен салтанатты түрде ашып, ортаға кітап әлемінің патшайымын шақырды. Мерекелік шараны Жамбыл облысы әкімдігінің мәдениет, архивтер және құжаттама басқармасының мәдениет және өнер бөлімінің бас маманы Құттыбаева Жадыра Нұржанқызы балаларды құттықтап жылы лебізін білдірді. «Дарын» студиясының вокалдық өнерімен ашылып, биімен жалғасты. «Кітап әлемінің Патшайымы» кітап әлемінің үш алаңын таныстырып, кеш қонақтарына «Шығыстың сиқырлы әлемі», «Кейіпкерлер ғаламшары» және «Балалық шақ бағдаршылары» әлеміне саяхат жасады. «Шығыстың сиқырлы әлемінде» Жасмин мен сиқыршы Жын викториналық ойындар ойнатып, квест шешті.

⠀

«Кейіпкерлер ғаламшары» әлемінде Қарақшы Джектің жұмбақтарын шешіп, арқан арқылы кемесін құтқарып Күлбике қыздың шиша аяқ киімін тапты.

⠀

«Балалық шақ бағдаршылары» әлемінде Бэтман мен Өрмекші адам жіпке оралған жасырын сөздерді кубиктегі әріптерден құрап тауып, сонымен қатар балалар кейіпкерлермен бірге флешмоб билеп, тик ток әуендермен жарысты. Әр әлемде балаларға арналған 3D, дыбыстық, панорамалық, комикс және т.б. кітаптар мен журналдардан көрмелер ұйымдастырды.

Мереке соңында барлық балаларға балмұздақтар, сусындар таратылып, «Мен бақытты баламын» деп жазылған шарлар таратылды.

⠀

«Дарын» өнер студиясы, №13 бөбекжай бақшасының балалары, мектеп оқушылары, тұрақты оқырмандар мен ата-аналар мерекелік ертеңгілікке қатысты.

joomlamodniyportal.ru

Comments