Кітапхана қызметкерлері 14 ақпан "Халықаралық кітап сыйлау" акциясына қатысып, "Біз біргеміз бәріміз" мүмкіндігі шектеулі оқырмандармен жұмысты жетілдіруге арналған кітапханалық жобасы аясында, ерекше балалардың үйлеріне барып, шын жүректен кітап сыйлады. Балалардың қуанышы жүздерінен көрінді.
http://www.jobjk.kz/kz/?start=560#sigProGalleriaa1443a253f
15 ақпан Ауған жерінен кеңес әскерлерінің шығарылған күні «Ауғанның от - жалыны» әңгіме-сұхбат
Ауған соғысының табиғаты да тарихы да өзгеше. Ол уақытта 18 бен 20-ның арасындағы өрімдей жастар, бас-аяғы 22 мың Қазақстандық өзге азаматтар мамыражай тіршілік етіп жатқан кезде бөтен елде өздерінің ел алдындағы борышын өтеді. Соғыс деген қаралы ұғым. Ауған соғысында мерт болғандар мен ардагерлердің алдында қашан да бас иеміз. Осыған орай оқырмандарға Ауған соғысы жайлы толық мәлімет беру, сұхбаттасу, өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету мақсатында «Ауғанның от жалыны» тақырыбында әңгіме сұхбат өткізілді.
Әңгіме-сұхбатымыздың қонақтары берер тәлімі мол тарихтың тірі куәгерлері, Ауған соғысының ардагерлері Абдулахапов Сухрабжан Махамаджанұлы және Рахымбердиев Ратхан Әуезұлы ауған соғысына қатысқаны және соғыс жайлы толық әңгіме-сұхбат жүргізіліп, Ардагеріміз болашақ жасатарға өз ақ тілегін білдірді.
http://www.jobjk.kz/kz/?start=560#sigProGalleria44616bbab4
Ақын Мұқағали Мақатаевтың 90 жылдық мерейтойына орай Облыстық халық шығармашылығы орталығы ұйымдастырған "Жырлайды жүрек" атты ән-жыр байқауына қатысқаны үшін II орынды әріптесіміз Сағатбекова Нұргүлге бұйырды. Жеңісіңіз құтты болсын!
⠀Сізге осы қуанышты сәтте өмірде бақытты, ұжымда беделді, дос - жолдастарыңызға қадірлі де сыйлы болуды тілейміз!
Әрдайым жүзіңіз нұрға, өміріңіз жырға толып, алға қойған үлкен мақсаттарыңызға сүрінбей жете беруіңізге тілектеспіз.
Аспаныңыз ашық, жүзіңіз жарқын, шаттық - қуанышыңыз мол болсын!
http://www.jobjk.kz/kz/?start=560#sigProGalleria59dccddaeb
Қазақ поэзиясының мұзбалағы атанған, ақиық ақын, артына айрықша өшпейтін із қалдырған ақынның өмірі, шығармашылығымен таныстыру, ақынның поэзия құдіреті мен әндерін таныту, ақын өлеңдері арқылы оқырмандардың тілге деген сүйіспеншілік сезімдерін ояту, отаншылдыққа тәрбиелеу мақсатында Мұқағали Мақатаевтың туғанына 90 жыл толуына орай «Поэзия тұлпары» әдеби караоке оқырмандар арасында сайыс өткізілді.
Сайыс үш кезеңге бөлінді:
- 1. «Библиошар» шардың ішінде М.Мақатаев өлеңдері жасырылған өлеңді жатқа оқу.
- 2.Ұяшық таңдау арқылы М.Мақатаев сөзіне жазылған әндерді караокемен орындау.
- 3. «Білім баспалдағы» сұрақтарға жауап беру.
http://www.jobjk.kz/kz/?start=560#sigProGalleria79fe9d7fdf