балалар мен жасөспірімдер кітапханасы

Денсаулық – баға жетпейтін жалғыз ғана асыл дүние. Денсаулық адам өміріндегі ең жоғары бағалы дүние болғандықтан, әр адам баласы өз денсаулығына көңіл бөле қарау қажет. Салауатты өмір салтын насихаттауға және спортпен шұғылданып тұруға шақыру мақсатында «Сенің денсаулығың!» эстафеталық ойын ұйымдастырылды. Іс-шара кітапхана қызметкерлерінің қатысуымен өткізілді.

Эстафеталық ойын 5-кезеңнен тұрды:

• 1-кезең. «Таныстыру»
• 2-кезең. Эстафеталық жарыс
• 3-кезең. Повар ойыны
• 4-кезең. Қаппен секіру
• 5-кезең. Капитандар сайысы

Жарыс соңында қатысқан топтар марапатталып, жеңіске жеткен топқа сыйлықтар ұсынылды.

joomlamodniyportal.ru

Comments

Конституция күні – мемлекеттің басты мерекесі болып табылады. Осы күнге орай оқырмандар назарына «Айбары асқақ – Ата Заң» атты кітап көрмесі ұсынылды.

Ел тәуелсіздігінің кепілі- Қазақстан Республикасының Конституциясы қоғамның негізгі міндеттеріне сай келетіндігін бүкіл әлем жұртшылығы танып отыр. Қазақстан Республикасы Ата Заңымызбен елдігіміздің белгісі көк байрағымыз көкте желбіріп, әнұранымыз әлемге шырқалып жүр. Әрбір ел азаматының ендігі парызы осы құндылықтарды сақтау, қадірлеу, заңдарын орындау.

Кітап көрмесіне кітапхана қорынан мемлекет және құқық тарихы, Қазақстанның құқықтық және демократиялық мемлекет ретінде және оның қалыптасуы туралы әдебиеттер, ҚР Конституциясы мен заңдар жинақтары және т.б. ұсынылды.

joomlamodniyportal.ru

Comments

Қазақ елінің біртуар азаматы Д.А. Қонаевтың 110 жылдық мерейтойына орай «Рухани жаңғыру» бағдарламасын жүзеге асыру аясында кемеңгер тұлғаның мемлекетке және халқына сіңірген еңбегін, ерлігін, қажырлы жүргізген саясатын үлгі ету мақсатында Жамбыл облысы әкімдігінің мәдениет, архивтер және құжаттама басқармасының басшысы Е. Жүнісбай бастаған Қонаев атындағы балалар мен жасөспірімдер кітапханасының ұжымы және зиялы қауым өкілдері Д.А. Қонаев ескерткішіне гүл қойып, кітапхана қабырғасында жамбыл облыстық тарихи өлкетану мұражайына қарасты Д.А. Қонаев орталығы мүшелерінің қатысуымен «Дінмұхаммед Қонаев: тарих пен тағылым» дөңгелек үстелі өтті.

Дөңгелек үстел барысында Д.А Қонаевтың саясат, білім, мәдениет саласындағы үлесі туралы «Д.А Қонаев және қазақ руханияты», «Д.А. Қонаев атындағы Халықаралық қордың Жамбыл облыстық бөлімшесінің тыныс-тіршілігі», «Білім мен мәдениеттің қарымды қамқоршысы» тақырыптарында бейнероликтер, слайд презентациялар мен кеш қонақтары ақын Есет Досалы және Басықараев Дидар Қонаевқа арнап жырдан шашу төкті.

Дөңгелек үстел барысында Елдар Асқарұлы Қонаевтың атынан Д.А. Қонаевтың 110 жылдығына арналған «Мерей» орденімен жазушы, журналист Көсемәлі Сәттібайұлы марапатталды. Іс-шараның тізгінін ұстаған, филология ғылымдарының кандидаты, М. Х. Дулати атындағы Тараз өңірлік университетінің доценті Мукашев Темірбай Рафаель Ниязбектің «Көсем» тарихи романына шолу жүргізді.

joomlamodniyportal.ru

Comments