балалар мен жасөспірімдер кітапханасы

Оқырмандардың ана тіліне деген сүйіспеншілігін арттыру, тіл мәдениетін сақтай білуге үйрету мақсатында, 20 орта мектептің 8 сынып оқырмандарымен «Қасиет пен құт дарытқан ана тілі» brain-ring (интелектуалды ойын) өткізілді.

Іс-шарада ең алдымен оқырмандарға ана тілі күнінің шығу тарихы, қазақ тілі, тіліміздің мәртебесі туралы ақпараттар беріліп, шара әрі қарай ойынға ұласты. Ойын 5 кезең бойынша өткізіліп, «Бәйтерек» және «Сұңқар» командалары қатысты.

І кезеңде («Таныстыру») қатысушы топтар командаларының аттарын таныстырып, топтың ұранын айтты.

ІІ кезеңде («Бәйге») қатысушы топтарға кітапханашылардың тарапынан тіл біліміне қатысты сұрақтар қойылып, оған қатысушылар өздерінің ұтымды жауаптарын берді. «Бәйге» кезеңі 8-сынып оқушысы Тоқтағұл Нұрлының «Ана тілім ғажап деп айта аламын» өлең жолдарын оқуымен аяқталды.

ІІІ кезеңде («Мақал – сөздің мәйегі») қатысушылар мақал-мәтелдердің жалғасын табу бойынша сынға түсті.

ІV кезеңде («Сен білесің бе?») әр топ бір-біріне түрлі сала бойынша сұрақтар қою арқылы жарысқа түсіп, кезең соңы 8-сынып оқушысы Орынбасар Арайлым «Үйрен ана тіліңді» өлеңін оқыды.

Қорытынды («Полиглот») кезеңінде қатысушыларға жасырын тұрған сөзі бар мақал-мәтелдер берілді. Әр топ сол жасырын тұрған сөзді тауып, оның орыс және ағылшын тілдеріндегі нұсқаларын айтты.

Әділ-қазылардың шешімі бойынша екі топтың ұпай сандары тең түсті. Интелектуалды ойын 7-сынып оқушылары – Махаметжан Марғұлан мен Саршаев Жандостың ана тілі туралы өлеңдерді мәнерлеп оқуымен аяқталды.

joomlamodniyportal.ru

Comments