балалар мен жасөспірімдер кітапханасы

Оралхан Бөкейдің туғанына – 80 жыл толуына орай оқырмандардың жазушы жайлы ұғымдарын қалыптастыру, көркемсөз оқу шеберліктерін дамыту, көркем әдебиетті қадірлеуге, кітап оқуға тарту мақсатында «Ешкімге ұқсамайтын қалам иесі» кітап оқу марафоны №12 мектеп-гимназиясының 8 сынып оқырмандарының қатысуымен өтті.

Іс-шара барысында оқырмандар қаламгердің «Өз отыңды өшірме», «Атау-кере» романдарын, «Қайдасың, қасқа құлыным» повесін, «Қар қызы» хикаяттарын, тағы да басқа шығармаларын оқи отырып, оқиға желісі бойынша түйген ойларымен бөлісіп, өмірбаяны, еңбек жолымен танысты. Сонымен қатар, жазушының кітаптарынан жасақталған көрмеге библиографиялық шолу жасалып, таныстырылды.

joomlamodniyportal.ru

Comments

Діни экстремизмнің алдын алу бойынша жастардың діни сауаттылығын ашып, дін мәселесі жөнінде оң пікір қалыптастыру мақсатында Жамбыл политехникалық жоғары колледжі студенттерінің және Тараз қаласы әкімдігінің ішкі саясат бөлімінің, Жастар ресурстық орталығы «Дін проблемаларын талдау» секторының меңгерушісі Қайыпбеков Нұрбек Жұмағалиұлының қатысуымен «Дін және қоғам» тақырыбында кеңес алу ұйымдастырылды.

Іс-шара барысында дінтанушы Нұрбек Жұмағалиұлы қоғамды жайлап бара жатқан түрлі келімсек діни ағымдар, олармен күресу жолдары, лаңкестік әрекеттер, олардың түпкі мақсаттарын түсіндірсе, кітапханашы «Дін – тәрбие діңгегі» кітап көрмесіне шолу жасады.

Оқырмандар діни наным-сенімдер туралы өмірден нақты мысалдар келтіріп өз пікірлерін білдірді.

Comments

Отбасылық құндылықтарды насихаттау мақсатында Д.А.Қонаев атындағы облыстық балалар мен жасөспірімдер кітапханасының ұйымдастыруымен «Отбасы – алтын діңгек» облыстық байқауы өткізілді.

Байқау «Отбасындағы бір күн»,«Білгенге маржан», «Дәм-думан», «Өнерлінің өрісі кең» кезеңдері бойынша өткізіліп, аталған байқауға Жамбыл ауданынан – Амзеевтер, Сарысу аданынан – Ақтан, Талас ауданынан – Жұмабаевтар, Тараз қаласынан – Құрманәлі отбасылары қатысты.

Байқауға Жамбыл облысы әкімдігінің мәдениет, архивтер және құжаттама басқармасының «Мәдениет және өнер» бөлімінің бас маманы – Құттыбаева Жадыра Нұржанқызы, кітапхана ардагері, зейнеткер – Ысқақ Мейрамкүл Елеукенқызы, Қазақстан журналистер одағының мүшесі, Жамбыл телерадиосының журналисті – Бораш Лаура Әбдіқадырқызы қазылық етті.

Байқау қорытындысы бойынша бас жүлдені Тараз қаласы, І-ші орынды Талас, ІІ-орынды Жамбыл, ІІІ-орынды Сарысу аудандары иеленді.

Қатысушы отбасыларға дипломдар мен бағалы сыйлықтар табысталды.

joomlamodniyportal.ru

Comments