Жамбыл облыстық балалар мен жасөспірімдер кітапханасы

Тұманбай Молдағалиев – 90 жыл «Құстар қайтып барады» танымдық сағат

Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен Төле би атындағы №8 мектеп гимназиясының оқырмандарымен ақынның шығармашылығын кеңінен насихаттау мақсатында Т.Молдағалиевтің 90 жыл толуына орай «Құстар қайтып барады» танымдық сағат ұйымдастырылды.

Іс-шара барысында оқырмандарға лирик ақынның өмірлік жолы мен шығармашылығынан кеңінен ақпарат беріліп, оқырмандар тарапынан қойылған сұрақтарға жауап алынды. Лирик ақынның өлеңді жазу барысында сыршыл сезімдерді ояту арқылы өлеңнің мәтінін, әннің мәні мен маңызын, әннің шығу тарихына мән бергенін аңғаруға болатынын оқырмандарға тереңінен жеткізді. Лирикалық өлеңдермен қатар, ақын балалар әдебиетін назардан тыс қалдырмаған. Балалар әдебиеттері: «Шақырады көктем», «Етекбай атам үйінде», «Қар жауып тұр» т.б. Кітапханашы оқырмандарға өлеңнің мәтінімен таныстыра отырып, әсем әнді нақышына келтіріп әуелете шырқады. Шара соңында ақынның кітаптарына шолу жасалды.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=152#sigProGalleriafd4734dbdf

Comments

«Экология және сурет» сурет салу

Өскелең ұрпақтың бойында экологиялық мәдениетті қалыптастыру, эко-білім беру, қоршаған ортадағы экологиялық проблемалармен ақпараттандыру мақсатында М.Әуезов атындағы №33 орта мектептің оқушыларымен «Экология және сурет» сурет салу өткізілді.

Шара барысында бүлдіршіндер әсем табиғаттың суреттерін салып, сурет бойынша әңгіме құрастырды.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=152#sigProGalleria1cb411baab

Comments

23 сәуір - Ұлттық кітап күніне орай «Кітап – даналардың данасы» Quiz time (интеллектуалды ойын)

23 сәуір - Ұлттық кітап күніне орай М.Әуезов атындағы №33 орта мектептің оқырмандарымен «Кітап – даналардың данасы» quiz time интеллектуалды ойын ойнатылды. Ойын барысында оқырмандар кітап, білім туралы мақал-мәтелдерді аяқтап, жұмбақтарды шешіп, жаңылтпаштарды айтып, логикалық ойындар ойнап, білімдерін сынады. Әр дұрыс жауапқа жұлдызша жинап, алғырлар анықталды.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=152#sigProGalleriab9849ca87d

Comments

23 сәуір – Ұлттық кітап күні «Кітап оқитын жастар – ел үміті» кітап керуені

Жас ұрпақты кітап оқуға баулу, кітап оқуға деген қызығушылықтарын арттыру мақсатында 23 сәуір – Ұлттық кітап күніне орай «Кітап оқитын жастар – ел үміті» кітап керуені ұйымдастырылды.

Аталған шараға Әулиеата өңірінің жас ақындары – Оңғар Назерке, Абылай Ғалия, сонымен қатар Тараз инновациялық көпсалалы колледжінің білімгерлері, «Шолахова А.А» ЖК-нің вокал үйірмесі, «Ару-Наз» ЖК-нің үірмелер студиясы мен Төле би атындағы №8 гимназиясының оқушылары қатысты.

Кітап керуені «Мен қазақпын» әнінің композициясымен ашылып, кітап туралы қанатты сөздер айтылды. Өңіріміздің жас ақындары өз шығармашылықтарынан сыр мен сезімге толы туындыларын оқыды. Төле би атындағы №8 гимназиясы оқырмандарының қатысуымен М.Дулатовтың «Оян, қазақ!» қойылымы көрсетілді. Жастардың патриоттық сезімін оятатын «Қазақстан Отаным», «Көк бөрі» әндері шырқалып, «Ару-Наз» би ансамблі «Ерке сылқым» биін билеп, талантты өнерпаздар өнерлерін көрсетті. Оқырмандар «Ойлан, тап!», «Сөзжұмбақ» ойындарынақатысып, сұрақтарға жауап берді. Тараз инновациялық көпсалалы колледжінің білімгерлері танымал ақындардың өлеңдерін оқыды.

Кітапхана қызметкерлері оқырмандарды «Халық ауыз әдебиеті», «Қазақ ағартушылары», «Алаш арыстары», «ҰОС жазушылары, балалар әдебиеті» бөлімдерінен тұратын «Ғасырлар үні – қалам ізі» атты кітап көрмесімен таныстырып, әдебиеттерге шолу жасады.