детско - юношеская библиотека

Жамбыл облыстық балалар мен жасөспірімдер кітапханасында балалардың еліне, жеріне деген сүйіспеншілігін арттыру, патриоттық сезіміін ояту мақсатында көптеген іс-шаралар өткізілуде. Атап айтатын болсақ үстіміздегі жылдың басынан бастап Қазақстан халқы Ассамблеясының - 20 жылдығы, Ұлы Жеңістің - 70 жылдығы, Қазақ хандығының - 550 жылдығы, Ата Заңымыздың - 20 жылдық мерейтойларына арналып өткізілуде. Сондай -ақ еліміз егемендік алғалы бері Елбасымыздың төл перзенті іспетті болған Астана қаласының мерейлі мерекесін әр жыл сайын дәстүрлі түрде атап өткізіп келеміз.

Оқырмандарға Президентіміздің өмір жолы мен қызметі, ел басқару ісіндегі еңбегі жайлы ақпарат беру мақсатында 6 шілде Елордамыз Астана күнімен қатар келетін Елбасымыз - Нұрсұлтан Әбішұлы Назарбаевтың туылған күніне орай «Жеңіс» саябағында «Елбасы - ел мақтанышы» атты ақпараттық сағат өткізілді. Іс-шара Қазақстан Республикасының мемлекеттік Әнұранымен ашылып, қатысушыларға Елбасымыздың өмірі, елбасымыздың Қазақстанның, елордамыз

Астананың гүлденуі, Қазақстанның дамыған 30 елдің қатарына қосылуы жолында атқарған орасан зор еңбектері, отбасы туралы көптеген ақпарат беріліп, слайд көрсетілді. Іс-шараға қатысушылар елбасымыз туралы қойылған сұрақтарға жауап беріп, елордамыз Астана қаласы жайлы сөзжұмбақ шешті.Астана қаласының тарихы, 17 жыл ішінде жеткен жетістіктері, қаланың саяси-экономикалық дамуы, ондағы зәулім құрылыс нысандары, т.б. туралы көптеген ақпараттар берілді.

«Кітапхана саябақта» кітапхана аясынан тыс дәстүрімізге айналған «Оқимыз, демаламыз!» библио-десантын Астана күніне байланысты 3-шілде күні Бауыржан Момышұлы саябағында өткізілді. Саябаққа «Астана отанымыздың жүрегі» тақырыбында кітап көрмесімен, балаларға арналған заманауи технологиямен жасалған 3D кітаптар, сондай-ақ «Шебер қолдар» үйірмесінің көрмелері ұсынылды.

Кітапхана қызметкерлері бірлігі жарасқан мемлекетімізде мекендейтін ұлт өкілдерінің ұлттық киімдерін киіп, Елордамыз-Астанаға байланысты викториналық сұрақтар қойып, сөзжұмбақтар, ребустар шешу, сондай-ақ Астананың көрнекті ғимараттарын сурет қиындылары арқылы құрастыру ойындарын ойнатып, «қара жорға» биінен бастап, украйн, татар, өзбек т.б. ұлттардың билерін биледі. Белсенді қатысқан жас оқырмандарымызға арнайы сыйлықтар мен тәтті балмұздақтар берілді.

Мерекелік шара, сондай-ақ 6 шілде күні қала тұрғындарының қатысуымен әуеге шар ұшыру акциясымен жалғасын тапты. Кітапхана қызметкерлері тұрғындарға сұрақтар қойып, қонымды жауаптар ала алды. «Қазақстан» деген жазуы бар үлкен шарға «Астана туған күніңмен!», қала тұрғындары көптеген жақсы тілектерін жазып, қунышпен бәрі бірдей әуеге ұшырды.