балалар мен жасөспірімдер кітапханасы

6 шілде - Елордамыз Астана қаласының туған күніне орай Жамбыл облыстық балалар мен жасөспірімдер кітапханасының бүлдіршіндер секторының ұйымдастыруымен

«Астана - Еуразия орталығы» атты әңгіме-саяхат өткізілді. Іс-шараның мақсаты: Астананың бұрынғы атауы мен қазіргі маңызды мақтаныштары, қазақ жерінің кіндігіне Ақордасын тіккен жаңа Астана тарихы туралы айта отырып, халқымыздың өткені мен бүгінгі күндеріне қысқаша шолу жасау арқылы оқушылардың білімдерін кеңейту. Оқушыларды екі ғасыр тоғысында Еуразия құрлығындағы ірі тарихи оқиға болып, тарихқа енген жаңа астанамыз - Астана қаласымен мақтануға тәрбиелеу. Патриоттық сезімдерін оята отырып, Отанын сүюге, тарихын құрметтеуге тәрбиелеу. Шара барысында кітапханашы слайд арқылы Астананың тарихымен, Қазақстанның жеті кереметтерімен таныстырып өтті. Бүлдіршіндер Астананың туған күніне арнап ән айтып жатқа, ақын-жазушылардың өлең-шумақтарын тарту етті. Балалар Астана қаласынының тамаша көріністерін көріп, керемет әсерлерімен бөлісті. Іс-шара кітап көрмесімен аяқталды.