детско - юношеская библиотека

28-маусым Журналистер күніне орай облыстық балалар мен жасөспірімдер кітапханасының мерзімді басылымдар секторында журналистер мамандығы мен бұқаралық ақпарат құралдарының жұмысын насихаттау мақсатында «Қаламың ұшталсын жас қаламгер» тақырыбында дөңгелек үстел өткізілді.Қоғамдық-саяси газеттерінің жас тілшілері «Ақ жол» газетінің «Әлеумет» бөлімінің жас тілшісі - Саршаев Наурызбай. «Жамбыл - Тараз» газетінің жас тілшісі - Сейдуалиев Шынболат кітапханамызда қонақта болды.

Қонақтарымыз журналист мамандығы - қиындығы мен қызығы мол жан-жақты білімділікті талап ететін жауапты сала екенін, өз шығармашылығы арқылы қоғамға да, адамға да қызмет ететін, ешқашан қателесуге болмайтын, қашанда жаңаның, жаңалықтың жақтаушысы, қолдаушысы екені туралы ойларымен бөлісті. Жас журналистер журектен шыққан өлең жолдарынан оқып берді. Оқырмандар көкейлеріндегі сауалдарын қойып, көңілдеріне қонымды жауаптар ала - алды. «Қалам мен Қаламгер» тақырыбындағы кітап көрмесіне шолу жасалды. Кеш соңында кітапхана директорының орнбасары Жанат Дүкембайқызы кеш қонақтарын төл мерекелерімен құттықтап, қаламдарың ұштала берсін деп, арнайы сыйлықтармен гүл шоқтарын сыйлады.