Елтаңба, Ту, Әнұран туралы түсініктерін нығайту, рәміздердің пайда болуы және тарихтағы маңызы жайлы түсініктерін арттыру, отансүйгіштікке, адамгершілікке, Отанына адал қызмет етуге, елінің Туын, Әнұранын, Елтаңбасын қастерлеп құрметтеуге, халқының тегін, тарихын білуге тәрбиелеу мақсатында мерзімді басылымдар секторының кітапханашылары №33 орта мектебінің лагерь оқушыларының қатысуымен «Мемлекеттік рәміздерге-құрмет» атты ақпараттық шолу сағатын өткізді.

Қазақстанның Туын; Елтаңбасын; Әнұранын тұмардай қасиет тұтуы қажет. Қазақ елінде тұратын және өз Отаным деп білетін әрбір азамат жүрегінің түкпірінде сақтап, қашанда жадында ұстауы қажет дей келе, Елтаңбаның, Тудың суреттеріне қарап әрбір бейнеге жеке-жеке тоқталып, олардың шығу тегі туралы мағлұмат беріп өтті. Бұл рәміздер біздің мемлекетіміздің өткені, бүгіні мен болашағы арасындағы байланыстың жарқын бейнесі». Кітапханашы оқырмандарды «Мемлекеттік рәміздер – тәуелсіздік символы» атты кітап көрмесіне шолу жасады.